Mánáidruđa mearri lassána, mii máksojuvvo vuollel 3-jahkásaš mánás
Mánáidruhta, mii máksojuvvo vuollel 3-jahkásaš mánás, lea bajiduvvon 26 euroin mánotbajis. Bajiduvvon mánáidruhta máksojuvvo vuosttas háve cuoŋománu mánáidruđas. Kela dahká bajádusa automáhtalaččat, de áššehas ii dárbbaš dahkat maidege.
Riikkabeaivvit leat mearridan, ahte vuollel 3-jahkásaš mánás oažžu 26 euro eanet mánáidruđa 1.4.2024 rájes. Bajiduvvon mánáidruhta máksojuvvo vuosttas háve cuoŋománu mánáidruđas, man máksinbeaivi lea 26.4.2024.
Mánáidruđa, mii máksojuvvo ovtta vuollel 3-jahkásaš mánás, mearri lea dás duohko 120,88 euro. Jos bearaš oažžu mánáidruđa máŋgga mánás, geat leat vuollel 3-jahkásaččat, de mánáidruđa mearri lea nuppi mánás 130,84 euro, goalmmát mánás 159,79 euro, njealját mánás 199,24 euro ja juohke mánás dan maŋŋá 218,69 euro mánotbajis. Kela dahká bajádusaid mánáidruđaide automáhtalaččat, de áššehas ii dárbbaš dahkat maidege.
Mánáidruhta máksojuvvo čuovvovaš mánotbaji álggu rájes das, go mánná lea riegádan. Mánáidruhta máksojuvvo mánnosaččat 26. beaivve. Jos 26. beaivi lea lávvardat, sotnabeaivi, vuossárga dahje árgabassi, mánáidruhta máksojuvvo ovddit báŋkobeaivve. Bajiduvvon mánáidruhta máksojuvvo dan mánotbaji lohppii, man áigge mánná deavdá 3 jagi.
Mánáidruđa nuppástusat eai guoskka mánáidruđaid, mat máksojit Ålánddas. Ålánddas mánáidruđa meriin mearrida Ålándda eatnangottestivra.
Mánáidruhtii leat dahkkojuvvon earáge bajádusat, mat bohte fápmui jagi álggus.