Divššo Kela-áššiid áiggil ortnegii ovdal beassážiid
Beassážat áradit bargguhisvuođaáigge almmuhan- ja máksinbeivviid. Áigáiboahtindoarjja geargá kontui ovdal beassážiid, juos ohcamuš ja čuvvosat leat doaimmahuvvon maŋimustá 24.3.2023. Skilleduorastaga áššehasat bálvaluvvojit dmu 13 rádjai, muhto áigáiboahtindoarjaga gohcin lea rabas dmu 16 rádjai.
Almmut bargguhisvuođabeivviid áiggil
Beassážat áradit bargguhisvuođaáigge almmuhan- ja máksinbeivviid. Spiehkastagaid birra muitaluvvo maiddái áššiiddikšunbálvalusas ja bargguhisvuođaáigge almmuhanskovis.
Juos bargguhisvuođaáigge almmuhusa áigodat nohká 4.–5.4.2023
- almmuhusa sáhttá máhcahit 4.4.2023
- ruđat leat konttus áramustá 6.4.2023.
Juos bargguhisvuođaáigge almmuhusa áigodat nohká 6.4.2023
- almmuhusa sáhttá máhcahit 5.4.2023
- ruđat leat konttus áramustá 11.4.2023.
Juos bargguhisvuođaáigge almmuhusa áigodat nohká 7.–9.4.2023
- almmuhusa sáhttá máhcahit 6.4.2023
- ruđat leat konttus áramustá 12.4.2023.
Almmuhusa gánneha doaimmahit áššiiddikšunbálvalusas juo máhcahanbeaivve iđida, vuoi dat gergojuvvo gieđahallot nu jođánit go vejolaš.
Oza áigáiboahtindoarjaga áiggil
Áigáiboahtindoarjaga maŋimus máksinbeaivi ovdal beassážiid lea 6.4.2023. Doarjja geargá kontui ovdal beassážiid, juos ohcamuš ja čuvvosat leat doaimmahuvvon maŋimustá 24.3.2023.
Juos áššehas dárbbaša áigáiboahtindoarjaga hohpolaččat, son galgá váldit oktavuođa Kela bálvalannummirii 020 692 207 dahje bálvalanbáikái. Hohpolaš dilli sáhttá leat ovdamearkan akuhta dárbu máksinčatnašupmái dálkasiid dahje borramušgálvvuid várás.
Skilleduorastaga Kelas lea hohpolaš áigáiboahtindoarjaga dárbbašeaddjiide gohcin telefonbálvalusas ja muhtin bálvalanbáikkiin dmu 16 rádjai. Juos áššehas dárbbaša áigáiboahtindoarjaga hohpolaččat Kela rabasáigge olggobealde, buresveadjinguovlu sáhttá vihkkedallama mielde mieđihit eastadeaddji áigáiboahtindoarjaga. Akuhta kriisadiliin basiid áigge áššehas sáhttá leat oktavuođas buresveadjinguovllu sosiálagohcimii.
Áššehasbálvalusa rabasáiggit beassážiid
Kela sámegielat telefonbálvalus lea rabas skilleduorastaga dmu 9–11. Sámegielat áššehasat sáhttet maiddái guođđit oktavuođaváldinbivdaga šleađgapostii čujuhussii saame@kela.fi. Oktavuođaváldinbivdagii vástiduvvo árgan dábálaččat juo seammá beaivve. Gávnnat lassidieđuid Kela sámegielat bálvalusaid birra čujuhusas kela.fi/assehasbalvalus.
Kela suomagielat telefonbálvalus lea skilleduorastaga 6.4.2023 rabas dmu 9–13, muhto áigáiboahtindoarjaga bálvalannummirii 020 692 207 sáhttá hohpolaš diliin riŋget dmu 16 rádjai. Gávnnat Kela bálvalannummiriid neahtas: kela.fi/soita-kelaan (suomagillii).
Skilleduorastat váikkuha maiddái rabasin dollon bálvalanbáikkiid rabasáiggiide. Rabasin dollon bálvalanbáikkit mannet gitta dmu 13, muhto oassi gohcá hohpolaš áigáiboahtindoarjaga dárbbašeaddjiid várás dmu 16 rádjai. Dihto bálvalanbáikkit gohcet áigáiboahtindoarjaga dihtii.
Dárkkis bálvalanbáikkiid čujuhusaid ja rabasáiggiid bálvalanbáikki ohcamis (suomagillii).
Anára bálvalanbáiki Avvilis lea rabas gaskavahkuid dmu 10–12 ja 13–15, nu ahte beassážiin ii leat váikkuhus rabasáigái.
Kela telefonbálvalus ja bálvalanbáikkit leat gitta
- guhkesbearjadaga 7.4.
- beassášlávvardaga 8.4.
- 1. beassášbeaivve 9.4.
- 2. beassášbeaivve 10.4.
Mii sávvat áššehasaide buriid beassážiid!