Aassâmlase já aassâmtoorjâ

Uápputorjuu aassâmlase pyehtih uážžuđ olgoenâmijn tâi Ålandist uáppeeh. Sii aassâmlase lii 210 e/mp.

Aassâmlase pyehtih uážžuđ meid Suomâst aalmugopâttuvâst tâi valastâllâmopâttuvâst uáppeeh, kiäi uápuh láá mávsuliih já kiäh ääsih oppâlájádâs asâttuvâst. Aassâmlase lii suullân 89 e/mp. Tun puávtáh uážžuđ aassâmlase já eres uápputorjuu tuše uáppumánuppoojijn.

Aassâmlase uážžumist ij lah aherääji. Vanhimij puáđuh iä vaaigut aassâmlasan.

Almos aassâmtoorjâ

Suomâst ässee uáppee puáhtá uážžuđ almos aassâmtorjuu. Almos aassâmtoorjâ ij uccuu uápputoorjâucâmuššáin, peic tađe várás lii jieijâs ucâmuš. Siämmáá purrâmušjuávkun kulleeh oceh aassâmtorjuu oovtâst.

Mii lii purrâmušjuávkku?

Purrâmušjuávkku uáivild siämmáá visteest fastâ ässee ulmuid. Táválávt purrâmušjuávkku lii näimipaarâ, ávuspaarâ tâi peerâ. Meid ohtâ olmooš puáhtá leđe purrâmušjuávkku.

Purrâmušjuávkun kullee ulmui puáđuh vaigutteh aassâmtorjuu miärán. Puáđuh vaigutteh sierânáál ko uápputorjust.

Luuvâ lase aassâmtorjust.