Geassi buktá nuppástusaid Kela bálvalanbáikkiid rabasáiggiide Lappis

Lappis eanaš bálvalanbáikkit leat geassit rabas dábálaččat, muhto muhtin bálvalanbáikkiid rabasáiggit rivdet geasseáigge dihtii. Geassitge Kela-áššiid gánneha dikšut neahta ja telefovnna bokte. Telefonbálvalus lea rabas normála vuogi mielde maiddái geassit.

Geassit stuorámus oassi Kela bálvalanbáikkiin Lappis lea rabas normála vuogi mielde. Ovdamearkan Giema ja Roavvenjárgga bálvalanbáikkit leat rabas 3-4 eahketbeaivve vahkus. Oassi bálvalanbáikkiin lea geassitge rabas áiggivárremiin. Dan sadjái oassi bálvalanbáikkiin, nugo Kolari, Salla ja Pello leat geassit muhtin muddui gitta. Bálvalanbáikki rabasáiggi gánneha dárkkistit kela.fis.

Koronaepidemiija dihtii fitnamiid gánneha geassitge vealtat, juos dat lea vejolaš.

Bálvalanbáikkiid fidniidmearit leat njiedjan dovdomassii

Kela bálvalanbáikkiin fitne jagi 2020 čielgasit uhcit áššehasat go jagi ovdal. Lappis ledje sullii 58 % uhcit áššehasfitnamat go jahki ovdal.

Lappis sullii 70 % ohcamušain dahkkojedje diibmá neahta bokte. Áššehasat riŋgejedje sullii 59 000 riŋgema, mii lea sullii 9 % eanet go jagi 2019. Maiddái telefonáigevárremiid mearri lassánii.

Kela dahkan jearahallamiin áššehasat leat giitán telefovnna bokte ožžon bálvaleami.

Eanaš oasi Kela-áššiin sáhttá dikšut neahta ja telefovnna bokte

Geassitge Kela-áššiid gánneha dikšut OmaKela bokte dahje riŋgemiin telefonbálvalussii. OmaKelas sáhttá dikšut eanašoasi áššiin: ohcat ovdduid, dárkkistit mearrádusa ja oaidnit goas ovdu máksojuvvo. OmaKela bokte sáhttá maiddái sáddet iežas áššiidis Kelai.

Kela telefonbálvalus lea geassitge rabas vuossárggas bearjadahkii dmu 9-16. Telefovnnas sáhttá dikšut buot seammá persovnnalaš áššiid go bálvalanbáikkis. Telefonbálvalussii sáhttá maiddái várret áiggi neahta bokte dahje riŋgemiin. Go Kela bargi riŋge, riŋgen ii mávsse áššehassii maidige. Juos telefonbálvalusa oktavuođas fuopmášuvvo, ahte fitnan bálvalanbáikkis lea vealtameahttun, Kela bargi sáhttá várret áššehassii áiggi bálvalanbáikái.

Sámegielat bálvalusat

Kela davvisámegielat telefon- ja gáiddusbálvaleapmi lea rabas árgan dmu 13-15 nummiris 020 634 2894. Anáraš- ja nuortalašgielat bálvalusa oažžu tulkka bokte. Sámegielat áššehasat sáhttet guođđit oktavuođaváldinbivdaga šleađgapostii čujuhussii saame@kela.fi. Gávnnat lassidieđuid Kela sámegielat bálvalusain čujuhusain www.kela.fi/saame.

Kela bálvalanbáikkiid rabasáiggit Lappis geassit 2021

Kela bálvalanbáikkiid rabasáiggit Lappis geassit 2021

Bálvalanbáiki

Rabasáiggit

Geassit

Anár

ga dmu 10–12 ja 13–15

ii nuppástus

Giepma

ga–be dmu 12–16

ii nuppástus

Giemajávri

di ja du dmu 10–12 ja 13–15

ii nuppástus

Gihttel

áiggivárremiin

ii nuppástus

Muonio

áiggivárremiin

ii nuppástus

Roavvenjárga

má–du dmu 12–16

ii nuppástus

Soađegilli

má dmu 10–12 ja 13–15

ii nuppástus

Duortnus

má–ga dmu 9–12

ii nuppástus

Kolari

gitta

5.7.–31.7.2021

Posio

gitta

28.6.–11.7.2021

Ranua

gitta

26.7.–15.8.2021

Salla

gitta

20.7.–6.8.2021

Ylitornio

gitta

19.7.–13.8.2021

Pello

gitta

14.6.–16.7.2021

Lasi diehtu áššehasaide