Sámegielat áššehasaid fástatáksevuoigatvuohta seailu vaikko bálvalusa buvttadeaddji molsašuvvá

Táksemátkkiid, maid Kela buhtada, bálvalusa buvttadeaddji molsašuvvá Lappis 15.12.2020. Ođđa bálvalusa buvttadeaddji lea Menevä Oy. Sámegielat áššehasaid vuoigatvuohta geavahit iežasgielat fástatákse seailu seammán bálvalusa buvttadeaddji molsašuvvama maŋŋel.

Táksemátkkiid, maid Kela buhtada, bálvalusa buvttadeaddji molsašuvvá Lappis juovlamánus. Bálvalusa buvttadeaddji molsašuvvan ii váikkut áššehasaid bálvalusaide. Kela-tákse diŋgonnummir 0800 302 240 seailu seammán.

Sámeguovllu (Eanodaga, Anára ja Ohcejoga gielddat ja Soađegili gieldda davveoasis Sámi bálgosa guovlu) sámegielat áššehasain lea ain vuoigatvuohta geavahit iežasgielat fástatákse sámi giellalága vuođul.

Bálvalusa buvttadeaddji molsašuvvama dihte oahpes sámegielat fástatákse sáhttá goittotge molsašuvvat. Sámegielat fástatákseáššehasat galget čielggadit iežaset dálá fástatákses, joatkašuvvágo fástatákseáššehasvuohta 15.12.2020 maŋŋel. Jos áššehasvuohta ii joatkašuva, Menevä Oy čujuha áššehassii ođđa sámegielat fástatákse.

Doaibmanrávvagat ođđa fástatákse oažžumii ja fástatákse oktavuohtadieđut gávdnojit Menevä Oy neahttasiidduin čujuhusas meneva.fi (suomagillii).

Jos áššehas ii hálit ođđa sámegielat fástatákse, de son sáhttá diŋgot mátkki Lappi guovllu diŋgonnummiris 0800 302 240.

Lassedieđuid fástatákseáššehasvuođa birra oažžu Kela bálvalannummiris 020 634 0402 dahje čujuhusas www.kela.fi/buhtadusat-matkkiin.