Sämikielâlij äššigâsâi fastâtaksivuoigâdvuotâ siäilu, vâik palvâluspyevtitteijee nubástuvá

Kela sajanmäksim taksimaađhij palvâluspyevtitteijee nubástuvá Laapist 15.12.2020. Uđđâ palvâluspyevtitteijee lii Menevä Oy. Sämikielâlij äššigâsâi vuoigâdvuotâ kevttiđ jieijâskielâlii fastâtaaksi siäilu palvâluspyevtitteijee nubástum maŋa mahte ovdil.

Kela sajanmäksim taksimaađhij palvâluspyevtitteijee nubástuvá Laapist juovlâmáánust. Palvâluspyevtitteijee nubástum ij vaaigut äššigâsâi palvâlussáid. Kela-taaksi tiilámnummeer 0800 302 240 siäilu mahte ovdil.

Sämikuávlu (Iänuduv, Aanaar já Ucjuuvâ kieldah já Suáđigil kieldâ taveuási Laapi palgâs kuávlu) sämikielâlijn äššigâsâin lii ain vuoigâdvuotâ kevttiđ jieijâskielâlii fastâtaaksi säämi kielâlaavâ vuáđuld.

Palvâluspyevtitteijee nubástum tiet uápis sämikielâlâš fastâtaksi sáttá kuittâg muttuđ. Sämikielâliih fastâtaksiäššigâsah kalgeh selvâttiđ tááláá fastâtaksistis, juátkoo-uv fastâtaksiäššigâsvuotâ 15.12.2020 maŋa. Jis äššigâsvuotâ ij jotkuu, Menevä Oy čuujoot äššigâsân uđđâ sämikielâlii fastâtaaksi.

Toimâravvuuh uđđâ fastâtaaksi uážžumân já fastâtaaksij ohtâvuotâtiäđuh láá Menevä Oy nettisiijđoin čujottâstâst meneva.fi (suomâkielân).

Jis äššigâs ij haalijd uđđâ sämikielâlii fastâtaaksi, sun puáhtá tiiláđ määđhi Laapi kuávlulii tiilámnumerist 0800 302 240.

Lasetiäđuid fastâtaksiäššigâsvuođâst uážžu Kela palvâlemnumerist 020 634 0402 tâi čujottâstâst www.kela.fi/sajanmaavsuh-maa-hijn.