Kela fállá Lappis gáiddusbálvaleami soffá ala ruoktot

Kela geahččala ođđalágan gáiddusbálvaleami Lappis, gos leat guhkes mátkkit. Gáiddusbálvaleamis áššehas oažžu gáiddusoktavuođa Kela áššehasbálvaleaddjái dihtora dahje mobiilarusttega bokte. Bálvaleapmi ollašuhtto ovttas Davvi-Suoma sosiálasuorggi máhttinguovddážiin.

Kela geahččala čavčča ja dálvvi áigge ođđalágan gáiddusbálvaleami Lappis. Kela-bálvaleapmi soffá ala ruoktot – bálvalusas áššehas sáhttá ságastallat Kela áššehasbálvaleaddjiin gáiddusoktavuođa bokte. Gáiddusbálvaleamis sáhttá dikšut seammá lágan áššiid go Kela bálvalanbáikkis. Gáiddusbálvaleamis oažžu maiddái veahki iešráđálaš áššiiddikšumii neahta bokte.

Kela -bálvaleapmi soffá ala ruoktot-gáiddusbálvalangeahččaleapmi álgá mánnodaga 6.9. Bálvaleapmi lea rabas árggaid dmu 9-15. Bálvaleapmái beassá Virtu.fi-portála (Virtu.fi, suomagillii) bokte. Bálvaleapmái ii dárbbaš čálihit iežas iige várret áiggi. Bálvaleami geavaheapmi ii mávsse áššehassii maidige. Áššehasas galgá goittotge leat geavahusas juogo dihtor dahje mobiilarusttet ja doarvái buorre neahttaoktavuohta, vuoi videogovva oidno. Gáiddusbálvaleapmi dahká vejolažžan oassálastiide maiddái šearpma juohkima, nu ahte áššehasbálvaleaddji sáhttá ovdamearkan veahkehit áššehasa skovi deavdimis. Bálvaleamis lea maiddái chat-iešvuohta. Bálvaleami  geavaheapmi ii mávsse áššehassii maidige.

Juos áššehasas ii leat vejolašvuohta váldit gáiddusoktavuođa ruovttustis, oktavuođa Kelai oažžu álkit maiddái Lappi Virtu-bálvalanbáikkiin (Virtu.fi, suomagillii). Virtu-bálvalanbáikkit leat gieldalaččaid elektrovnnalaš áššiiddikšuma báikkit, gos gieldalaš sáhttá geavahit govvatelefonbálvalusaid ja eará Internet-bálvalusaid, sihke printet, kopieret ja skánnet.

Jahkebeali gáiddusbálvalangeahččaleami áigge čoggojuvvojit geavaheaddjiidvásáhusat ja ovddidanevttohusat áššehasain, Kela mielbargiin, Kela áššehasbálvaleamis ja bálvalusa ovddideaddjiin. Virtu.fi -portála fuolaheamis ja teknihkalaš doarjagis vástida Davvi-Suoma sosiálasuorggi máhttinguovddáš.

Gáiddusbálvaleapmi maiddái davvisámegillii

Kela lea juo guhká fállan maiddái riikkadási davvisámegielat gáiddusbálvaleami juohke árgabeaivve dmu 13-15. Davvisámegielat gáiddusbálvaleapmái beassá Kela sámegielat neahttasiidduin.

Sámegielat gáiddusbálvaleamis oktavuođaváldin sirdása njuolgga Kela sámegielat áššehasbálvaleaddjái.

Ná muitalat áššehassii Kela gáiddusbálvaleamis

Mielbargi sáhttá muitalit áššehassii Kela gáiddusbálvaleamis čuovvovaš dieđuid:

  • Kela gáiddusbálvaleapmi lea dárkkuhuvvon Lappi gielddaid ássiide, geain leat váttisvuođat dikšut Kela-áššiid iešráđálaččat neahta bokte dahje geain leat dikšun láhkai ovdduid guoski mohkkás áššit.
  • Kela gáiddusbálvaleapmi lea rabas árggaid dmu 9–15. Bálvaleapmái ii dárbbaš čálihit iežas iige várret áiggi. Bálvaleami geavaheapmi ii mávsse áššehassii maidige.
  • Gáiddusbálvaleami oktavuođaváldinliŋka gávdno Virtu.fi-portála Kela gáiddusbálvaleapmi –siiddus (Virtu.fi, suomagillii). Oktavuođaváldin sirdása Kela áššehasbálvaleaddjái, gii luovvana vuosttasin. Gánneha ráhkkanit dasa, ahte oktavuođa oažžun sáhttá bistit muhtin áigge.
  • Bálvaleami geavaheapmái dárbbašuvvojit
    • tableahtta fiehttotelefon dahje dihtor, mas lea kamera
    • Chrome-, Firefox- dahje Safari-bláđejeaddji
    • doarvái buorre neahttaoktavuohta
    • belljosat, main lea mikrofovdna (dahje mikrofovdna ja skájanat).
  • Kela riikkadási davvisámegielat gáiddusbálvaleapmi lea rabas árggaid dmu 13–15. Sámegielat gáiddusbálvaleapmái beassá Kela sámegielat neahttasiidduin.
  • Kela gáiddusbálvaleapmái oažžu oktavuođa maiddái Virtu-bálvalanbáikkiin (Virtu.fi, suomagillii), mat leat sierra guovlluin Lappis.

Loga lasi