Almoot varriimist Kelan

Almoot Kelan, jis

  • tun lah varrim Suomân ja uážuh Kelast torjuid
  • tun varriih koskâpuddâsávt tâi pisovávt olgoenâmáid já uážuh Kelast torjuid
  • tun maacah Suomân  já tun lah ovdâlist uážžum Kelast torjuid.

Räähti almottâs Kela viermiášástâllâmpalvâlusâst tâi eres Kela palvâlusâst.

Puávtáh rähtiđ almottâs meid luámáttuvváin, mon uážuh Kela siijdoin.

Tun uážuh luámáttuv meid Kela toimâttuvâin. Jis tun almottah varriimist luámáttuvváin, te vuolgât tom Kelan poostâ peht oovtâst lahtosijguin. Kela postâčujottâs lii

Kela
PL 10
00056 KELA

Mušte almottiđ varriimist meid Digi- já aalmugtiätutoimâttâhân (oovdiš maistraatâ).

Jis tun uážuh teikâ lah uuccâm Kelast torjuu, tun uážuh pááikán miärádâs. Miärádâsâst muštâluvvojeh torjuu meeri, vuáđustâsah já máksupeivi. Tun uážuh miärádâs meid talle, jis tunjin ij lah mieđettum toorjâ.

Jis tust ij lah innig vuoigâdvuotâ pyecceetáhádâs torjuid Kelast, te tun jieh pyevti kevttiđ eurooplii pyecceetáhádâskoortâ.