Ássanlassi ja ássandoarjja

Oahppodoarjaga ássanlasi sáhttet oažžut stuđerejeaddjit, geat stuđerejit olgoriikkain dahje Ålánddas. Sin ássanlassi lea 210 e/mb.

Ássanlasi sáhttet oažžut maiddái álbmotallaskuvlla ja valáštallanskuvlenguovddáža stuđeanttat, geaid oahput mákset ja geat ásset oahppolágádusa ásodagas. Ássanlassi lea sulaid 89 e/mb. Sáhtát oažžut ássanlasi ja eará oahppodoarjaga dušše stuđerenmánotbajiin.

Ássanlasi oažžumis ii leat ahkerádji. Vánhemiid boađut eai váikkut ássanlassái.

Almmolaš ássandoarjja

Suomas ássi stuđeanta sáhttá oažžut almmolaš ássandoarjaga. Almmolaš ássandoarjja ii ohccojuvvo oahppodoarjjaohcamušain, dan várás lea sierra ohcamuš. Borramušgácci lahtut ohcet ássandoarjaga ovttas.

Mii lea Borramušgázzi?

Borramušgázzi dárkkuha olbmuid, geat ásset seamma visttis bissovaččat. Dábálaččat borramušgázzi lea náittospárra, rabaslihttopárra dahje bearaš. Maiddái okta olmmoš sáhttá leat borramušgázzi.

Borramušgázzái gullevaš olbmuid boađut váikkuhit ássandoarjaga mearrái. Boađut váikkuhit eará láhkái go oahppodoarjagis.

Loga lasi almmolaš ássandoarjagis.