Bargodearvvasvuođadikšun

Bargoaddi galgá ordnet ovddalgihtii buohcuvuođaid eastadeaddji bargodearvvasvuođadikšuma buot bargiidasas. Bargi dearvvasvuođadilli ja bargonávccat čuvvojuvvojit ee. dearvvasvuođadárkkistemiid bokte. Ulbmilin lea seailluhit bargi bargonávccaid.

Oaččut dárkilut dieđu bargodearvvasvuođabálvalusaid birra iežat bargoaddis. Bargoaddi sáhttá ohcat Kelas buhtadusa bargodearvvasvuođadikšuma goluin.

Fitnodatdoalli bargodearvvasvuođadikšun

Maiddái priváhta fitnodatdoalli sáhttá ordnet alcces bargodearvvasvuođadikšuma. Dat lea goittotge eaktodáhtolaš.

Jos fitnodatdoallis leat bálvalusastis bargit, de sus lea geatnegasvuohta ordnet bargodearvvasvuođadikšuma bargiidasas. Fitnodatdoalli sáhttá ohcat Kelas buhtadusa bargodearvvasvuođadikšuma goluin.

Loga lasi bargodearvvasvuođadikšuma birra (suomagillii). Sáhtát maiddái jearrat lasi bálvalannummiris 020 692 204.