Bargomárkandoarjja

Juos it sáhte oažžut dietnasii čadnon beaiveruđa dahje vuođđobeaiveruđa, dutnje sáhttá máksit bargomárkandoarjaga. Dan sáhttá oažžut 18–64-jahkásaš bargguhis bargguohcci, gii ássá fásta Suomas. Bargomárkandoarjaga áigi ii leat ráddjejuvvon.

Oaččut bargomárkandoarjaga, vaikke it deavdde barganeavttu nappo it leat leamašan barggus dárbbašlaš áiggi. Oaččut bargomárkandoarjaga maiddái dalle, go leat juo ožžon bargomárkandoarjaga dahje vuođđobeaiveruđa 400 beaivvi.

Bargomárkandoarjja ii máksojuvvo olgoriikii.

Doarjaga oažžumii leat ráddjehusat, juos leat vuollel 25-jahkásaš dahje juos dus ii leat ámmátlaš skuvlejupmi. Dárkkis BE-doaimmahagas, sáhtátgo oažžut bargomárkandoarjaga.

Man olu bargomárkandoarjaga oažžu?

Bargomárkandoarjja lea 34,50 e/bv. Bargomárkandoarjja lea nappo seamma stuoris go vuođđobeaiveruhta. Doarjaga sturrodahkii váikkuhit goittotge muhtumin vánhemiid sisaboađut.

Bargomárkandoarjja máksojuvvo 5 beaivvis vahkus. Dasa lasihuvvo bajádus, juos dus leat mánát. Dievas bargomárkandoarjja lea sulaid 742–962 e/mb.

Bargomárkandoarjagii sáhttá máksojuvvot bajádusoassi. Dat máksojuvvo BE-doaimmahagain sohppojuvvon doaimmaid áiggis, goittotge eanemustá 200 beaivvis. Bajádusoassi lea 4,91 e/bv.

Mávssat vearuid bargomárkandoarjagis.

Loga lasi bargomárkandoarjaga ohcamis (suomagillii).

Eará sisaboađut geahpedit doarjaga

Buot sisaboađut geahpedit bargomárkandoarjaga meari. Juos dus leat kapitálaboađut, maiddái dat sáhttet geahpedit doarjaga meari.

Kapitálaboađut leat ovdamearkka dihte láigoboahtu, oasus ja vuovdinvuoitu.

Kapitálaboađut eai goittotge váikkut bargomárkandoarjagii

  • juos leat deavdán 55 jagi ja barganeaktu lea ollašuvvan ovdal go báhcet bargguheapmin
  • juos oassálasttát BE-doaimmahagain sohppojuvvon doaimmaide.

Vánhemiid sisaboađut unnudit doarjaga, juos ásat sudnuin. Oaččut liikká unnimustá beali bargomárkandoarjagisttát. Vánhemiid sisaboađut eai váikkut, juos oassálasttát BE-doaimmahagain sohpojuvvon doaimmaide.

Sáhtát ieš árvvoštallat Kela siidduin rehkenastiin, man olu oaččut bargomárkandoarjaga (suomagillii).