Ääigiväridem neetist uuđâsm – puátteevuođâst äššigâs kalga tubdâttâttâđ

Kela uđâsmit čohčâmáánust nettipalvâlus, mast äššigâs puáhtá väridiđ ääigi Kelan. Uđđâ palvâlus lii čielgâs, älkkee kevttiđ já hiäivulâš moobiilpiergâsáid. Tiätutorvo visásmittem tiet äššigâs kalga tubdâttâttâđ, ovdilgo sun puáhtá väridiđ ääigi.

Kela váldá kuuloold kiävtun uđđâ ääigiväridemvuáháduv čohčâmáánu 20. peeivi rääjist. Uđđâ palvâlus lii čielgâs já älkkee kevttiđ, já tot lii hiäivulâš moobiilpiergâsáid. Tot lii meid juksâmnáál, ađai tom puáhtá kevttiđ sierâlágán išepiergâsijn, tego čááituluuhâmohjelmijguin.

Uđđâ palvâlus älkkeedit meid väärridmij čuávvum já haldâšem. Äššigâs puáhtá kuás peri čáládâttâđ palvâlusân, jis sun haalijd tärhistiđ suu väridem ääigi tâi toos lohtâseijee tiäđuid. Väridum äigi lii meid älkkee mutteđ tâi maasâdkeessid.

Tuáváást ääigiväridem pivnohvuotâ já moobiilpiergâsij kiävtu lasanem

Uđâsmittem tuáváást lii ääigiväridem pivnohvuotâ já tárbu ovdediđ teknisijd vuáháduvâid. Ive 2020 äššigâsah ášástâllii ääigiväridem peht 246 000 kerdid, tađe oovdeb ive 207 500 kerdid. Ääigiväridem heivee eromâšávt tiilijd, main äššigâsâst lii muálkkáás tile tâi láá ennuv ääših selvâttemnáál.

Ulmuuh kevttih ain eenâb Kela viermisiijđoid já -palvâlusâid moobiilpiergâsijguin. Ovdâmerkkân ive 2020 kela.fi-siijđoi kevttein 61 % ellii siijđoin moobiilpiergâsijguin já 35 % tiäturáin.

Uđđâ palvâlusân kalga tubdâttâttâđ

Tiätutorvo visásmittem tiet äššigâs kalga tubdâttâttâđ, ovdil ko sun puáhtá väridiđ ääigi uđđâ vuáháduvâst. Tubdâttâttâm luhostuvá nettipaŋkkitubdâlduvâiguin, moobiilvisásmitmáin tâi visásmittemkoortijn.

Nubbe olmooš puáhtá väridiđ ääigi nube rävisulmuu peeleest, jis tot rävisolmooš lii adelâm sunjin vääldi Suomi.fi-palvelusâst. Táválii väldikirjijn ääigiväridem ij luhostuu nube peeleest neetist. Vyeliahasii párnáá huolâtteijee puáhtá väridiđ ääigi suu páárnán sierâ väldittáá Suomi.fist.

Uđđâ vuáhádâh váldoo kiävtun 20.9. rääjist

Uđđâ vuáhádâh váldoo kiävtun kuuloold 20.9. rääjist, kuás tááláá vuáháduv kevttim nohá. Jis äššigâs lii väridâm ääigi ovdil 20.9., te ääigi puáhtá tärhistiđ já maasâdkeessiđ puhelin peht.

Neetist puáhtá väridiđ aaigijd tuš puhelinpalvâlusân. Puátteevuođâst-uv ääigi puáhtá väridiđ meid suáittimáin Kela puhelinpalvâlusân. Jis tuu äšši váátá palvâlemsaajeest eellim já aldemus saje tuáimá tuš ääigiväridem peht, te suáiti Kela puhelinpalvâlusân.

Sämikielâlii palvâlusân puáhtá kyeđđiđ suáittutáttum

Sämikielâlâš äššigâs puáhtá ain kyeđđiđ ohtâvuotâtáttum meid Kela sämikielâlii puhelinpalvâlusân nuuvt, ete vuolgât viestâ saame@kela.fi -šleđgâpostâčujottâsân. Viestân kalga pieijâđ jieijâs noomâ já puhelinnummeer já tiäđu tast, ete moos äšši kuáská.

Kela sämikielâlâš palvâlemäššitobdee tâi Kela väridem tulkkâ váldá ohtâvuođâ äššigâsân vâi puáhtá sooppâđ ääši hoittáámist. Anarâš- já nuorttâlâškielâlâš ášástâlmist lii tulkkâ iššeen.

Kela tavesämikielâlâš puhelin- já káiduspalvâlus lii ávus argâpeeivij tme 13–15.

Luuvâ lase