Kela buhtadan táksemátkkiid ođđa bálvalusbuvttadeaddjit leat válljejuvvon

Kela lea gilvalahttán dan buhtadan táksemátkkiid. Iešguđege gilvalahttinguvlui leat válljejuvvon 2 bálvalusbuvttadeaddji, geat dikšot Kela buhtadan táksemátkkiid 1.1.2022 rájes. Bálvalusbuvttadeaddjit válljejuvvojedje oktiibuot 14.

1.1.2022 rájes táksebálvalusaid ordnejit oktiibuot 14 bálvalusbuvttadeaddji 17 iešguđege guovlluin. Juohke eanangoddi lea okta gilvalahttinguovlu. Gaska- ja Davvi-Nuortabađaeana gehččojuvvojit goit oktan gilvalahttinguovlun. Háhkan ii guoskan Ålándda eanangotti.

Vai Kela sáhttá buhtadit táksemátkki, dan galgá diŋgot Kela válljen bálvalusbuvttadeaddjis. Kela lea válljen iešguđege guvlui 2 bálvalusbuvttadeaddji. Boahttevuođas áššehas sáhttá válljet, goappá bálvalusbuvttadeaddjis son diŋgo iežas mátkki. Bálvalusbuvttadeaddjis lea ovddasvástádus das, ahte buot diŋgojuvvon táksemátkkit dikšojuvvojit diŋgoma mielde ja iešguđet dárkkuhussii heivvolaš fievrruin. Háhkama ulbmilin lea dorvvastit áššehasaid ovttaveardásaš ja luohtehahtti beassama dearvvasvuohtadikšui beroškeahttá das, gos áššehas ássá ja man olu sus leat várit.

Sámeguovllu (Eanodaga, Anára ja Ohcejoga gielddat ja Soađegili gieldda davveoasis Sámi bálgosa guovlu) sámegielat áššehasain lea ain vuoigatvuohta geavahit iežasgielat fástatákse sámi giellalága mielde.

Bálvalusa buvttadeapmi álgá 1.1.2022. Háhkkojuvvon bálvalusat vuođđuduvvet geavahanvuoigatvuođasoahpamušaide gilvalanguovlluid mielde. Bálvalusat gokčet táksemátkkiid diŋgoma, ovttastahttima ja gaskkusteami, vuojihanbálvalusaid ordnema ja bearráigeahču ja maiddái máksinjohtolaga ja raporterema. Máksinjohtolat ordnejuvvo Kela elektrihkalaš njuolggobuhtadanmeannudemiin.

Gilvalahttimii bohte 91 fálaldaga. Bálvalusa fálle 24 doaibmi. Eanangottiid dálá bálvalusbuvttadeaddjit dikšot Kela buhtadan táksesáhtuid dálá soahpamušaid mielde gitta jagi 2021 lohppii.

Ođđa bálvalusbuvttadeaddjit 1.1.2022 rájes

Mátta-Gárjil: Taksi Saimaa Oy ja Taksi Päijänne Oy

Mátta-Nuortabađaeana: Keskustaksi Oy ja Vaasan Ulataksi Oy

Mátta-Savo: DRide Oy ja Savon Taksidata Oy

Kainuu: Kainuun Taksivälitys Oy ja Menevä Oy

Kanta-Häme: Taksi Helsinki Oy ja Suomen Lähilogistiikka Oy

Gaska- ja Davvebađaeana: Pohjois-Suomen Taksi Oy ja Tampereen Aluetaksi Oy

Gaska-Suopma: Taksi Helsinki Oy ja Menevä Oy

Kymenlaakso: DRide Oy ja Suomen Lähilogistiikka Oy

Lappi (Sápmi): Taksi Helsinki Oy ja Suomen Lähilogistiikka Oy

Pirkanmaa: Taksi Helsinki Oy ja Tampereen Aluetaksi Oy

Nuortabađaeana: Vaasan Ulataksi Oy ja Keskustaksi Oy

Davvi-Gárjil: Joensuun Taksi Oy ja Menevä Oy

Davvi-Savo: Taksi Helsinki Oy ja Joensuun Taksi Oy

Päijät-Häme: Suomen Lähilogistiikka Oy ja Lahden Aluetaksi Oy

Satakunta: Taksi Helsinki Oy ja Keskustaksi Oy

Uusimaa: Suomen Lähilogistiikka Oy ja Taksi Helsinki Oy

Varsinais-Suopma: Taksi Helsinki Oy ja Menevä Oy