Doarjja adopšuvdnavánhemiidda

Kela doarju adopšuvdnamáná vánhemiid measta seamma láhkai go biologalaš vánhemiid. Adopšuvdnavánhemat eaba sáhte oažžut etniidruđa, muhto soai oažžuba vánhemiidruđa guhkibut go dábálaččat. Vánhemiidruhta máksojuvvo dan beaivvi rájes, go oaččut adopšuvdnamáná dikšui.

Adopšuvdnamáná áhčči sáhttá doallat áhčiidluomu nu mo earáge áhčit.

Juos adopteret máná olgoriikkain, de sáhtát ohcat Kelas ruđalaš doarjaga adopšuvnna goluide.

Loga lasi adopšuvdnadoarjaga ohcamis (suomagillii).