Kela sajanmäksim taksisáátui uđđâ palvâlempyevtitteijeeh láá väljejum

Kela lii kištottâm palvâlusâid taksimađhijd, maid tot sajanmáksá. Jyehi kištottemkuávlun láá väljejum 2 palvâlempyevtitteijee huolâttiđ Kela sajanmäksim taksimaađhijn 1.1.2022 rääjist. Palvâlempyevtitteijeid valjii ohtsis 14.

1.1.2022 rääjist taksipalvâlusâid uárnejeh ohtsis 14 palvâlempyevtitteijed 17 sierâ kištottemkuávlust. Jyehi eennâmkodde hämmee sierâ kištottemkuávlu. Koskâ- já Tave-Pohjanmaa eennâmkodeh hämmejeh kuittâg oovtâ kištottemkuávlu. Haahâm ij kuoskâm Åland eennâmkoodán.

Vâi Kela puáhtá sajanmäksiđ taksimääđhi, te määđhi kalga tiiláđ Kela valjim palvâlempyevtitteijest.  Kela lii valjim jyehi kištottemkuávlun 2 palvâlempyevtitteijee. Puátteevuođâst äššigâsâst lii máhđulâšvuotâ valjiđ, ete kuábbáá kištottemkuávlu palvâlempyevtitteijest sun tiiláá Kela sajanmäksim määđhi. Palvâlempyevtitteijee västid tast, ete puoh tast tiilájum taksimääđhih hoittájuvvojeh tiilám miäldásávt já tárguttâsân hiäivulii fiävroin. Haahâm ulmen lii turviđ äššigâsâi oovtviärdásâš já lyetittettee peessâm tiervâsvuođâhuolâttâsân äššigâs aassâmsaajeest tâi jáválâšvuođâst peerusthánnáá.

Sämikuávlu, (Iänuduv, Aanaar já Ucjuv kieldah sehe Suáđigil kieldâ taveuási Laapi palgâs kuávlu) sämikielâlijn äššigâsâin lii ain vuoigâdvuotâ kevttiđ jieijâskielâlii fastâtaaksi säämi kielâlaavâ vuáđuld. 

Palvâlem pyevtittem álgá 1.1.2022, já hahâmeh olášuttojeh kištottemkuávlui mield kiävttuvuoigâdvuotâsopâmuššân. Koččâmušâst lii olespalvâlem, mii luávdá taksimaađhij tiilám, ovtâstittem já sirdem, jođettempalvâlusâi ornim já kocceem sehe máksujotoluv já raportistem. Máksujotoluvâst kiävttoo Kela šleđgâlâš njuolgâsajanmáksuvuáhádâh.

Kištootmist finnejii 91 falâldâhhâd. Palvâlem fallii 24 sierâ tuáimed. Eennâmkuudij táálááh palvâlempyevtitteijeeh hoittájeh Kela sajanmäksim taksimaađhijd táálái sopâmušâi miäldásávt ive 2021 loopâ räi.

Uđđâ palvâlempyevtitteijeeh 1.1.2022 rääjist

Maadâ-Karjala: Taksi Saimaa Oy já Taksi Päijänne Oy

Maadâ-Pohjanmaa: Keskustaksi Oy já Vaasan Ulataksi Oy

Maadâ-Savo: DRide Oy já Savon Taksidata Oy

Kainuu: Kainuun Taksivälitys Oy já Menevä Oy

Kanta-Häme: Taksi Helsinki Oy já Suomen Lähilogistiikka Oy

Koskâ- já Tave-Pohjanmaa: Pohjois-Suomen Taksi Oy já Tampereen Aluetaksi Oy

Koskâ-Suomi: Taksi Helsinki Oy já Menevä Oy

Kymenlaakso: DRide Oy já Suomen Lähilogistiikka Oy

Lappi: Taksi Helsinki Oy já Suomen Lähilogistiikka Oy

Pirkanmaa: Taksi Helsinki Oy já Tampereen Aluetaksi Oy

Pohjanmaa: Vaasan Ulataksi Oy já Keskustaksi Oy

Tave-Karjala: Joensuun Taksi Oy já Menevä Oy

Tave-Savo: Taksi Helsinki Oy já Joensuun Taksi Oy

Päijät-Häme: Suomen Lähilogistiikka Oy já Lahden Aluetaksi Oy

Satakunta: Taksi Helsinki Oy já Keskustaksi Oy

Uusimaa: Suomen Lähilogistiikka Oy já Taksi Helsinki Oy

Varsinais-Suomi: Taksi Helsinki Oy já Menevä Oy