Kela koʹrvveem takssmaaʹtǩi ođđ kääzzkõspuuʹtʼteei lie vaʹlljuum

Kela lij ǩeâšttjâttam takssmaaʹtǩi kääzzkõõzzid, koid tõt koʹrvvad. Kueʹhtt kääzzkõspuuʹtʼteei lie vaʹlljuum juõʹǩǩ ǩeâšttjâʹttemvoudda ââʹnned huõl Kela koʹrvveem takssmaaʹtǩin 1.1.2022 ääʹljeeʹl. Kääzzkõspuuʹtʼteeʹjid vaʹlljeeš õhttsiʹžže 14.

1.1.2022 ääʹljeeʹl õhttsiʹžže 14 kääzzkõspuuʹtʼteeʹjed jäʹrjste taksskääzzkõõzzid 17 jeeʹres ǩeâšttjâʹttemvuuʹdest. Juõʹǩǩ mäddkåʹdd lij jiijjâs ǩeâšttjâʹttemvuʹvdd. Kõskk- da Tâʹvv-Vuâđđmäädd mäddkooʹddin kuuitâǥ šâdd õhtt ǩeâšttjâʹttemvuʹvdd. Haʹŋǩǩummuš ij kuõskkâm Ålaand mäddkååʹdd.

Što Kela vuäitt koʹrvveed takssmääʹtǩ, määʹtǩ âlgg tiʹllʼjed Kela vaʹlljeem kääzzkõspuuʹtʼteeʹjest. Kela lij vaʹlljääm juõʹǩǩ ǩeâšttjâʹttemvoudda 2 kääzzkõspuuʹtʼteei. Pueʹttiääiʹj äʹššneeʹǩǩest lij vueiʹttemvuõtt vaʹlljeed, kuäbba ǩeâšttjâʹttemvuuʹd kääzzkõspuuʹtʼteeʹjest Kela koʹrvveem määʹtǩ tiʹllʼjet. Kääzzkõspuuʹtʼteei vaʹsttad tõʹst, što puk tõʹst tiʹllʼjum takssmaaʹtǩid hoiʹddjet tiʹllʼjummuž meâldlânji da tiʹllʼjõʹsse suåvlaž jååʹttemneävvain. Haʹŋǩǩummuž täävtõssân lij staaneed äʹššniiʹǩǩi õõutverddsaž da snäätnas piâssmõõžž tiõrvâsvuõtthuõllu huõlǩani äʹššneeʹǩǩ jälstempääiʹǩest leʹbe väärrvuõđâst.

Sääʹmvuuʹd (Jeänõõǥǥ, Aanar da Uccjooǥǥ kååʹdd di Suäʹđjel kååʹdd Lappi paalǥâskååʹdd vuʹvdd) sääʹmǩiõllsaž äʹššniiʹǩǩin lij õinn vuõiggâdvuõtt ââʹnned jiijjâzǩiõllsaž põõššitaaks sääʹmǩiõll-lääʹjj vuâđald. 

Kääzzkõõzz puuʹtʼtummuš älgg 1.1.2022, da haʹŋǩǩummšid čõõđtet ǩeâšttjâʹttemvuuʹdi mieʹldd ââʹnnemvuõiggâdvuõttsuåppmõššân. Kõõččmõõžžâst lij obbkääzzkõs, kååʹtt kätt takssmaaʹtǩi tiʹllʼjummuž, õhttõõllmõõžž da vääʹltummuž, jååʹđtemkääzzkõõzzi jäʹrjstummuž da vuåppmõõžž di mähssjååttlõõǥǥ da raportâsttmõõžž. Mähssjååttlõõǥǥâst ââʹnet Kela liâđǥlaž vuõiggkoʹrvveem-mõõntõõllmõõžž.

Ǩeâšttjâttmõõžžâst vuåǯǯuš 91 taʹrjjõssâd. Kääzzkõõzz taʹrjjee 24 jeeʹres toiʹmmjeeʹjed. Mäddkooʹddi ânnʼjõž kääzzkõspuuʹtʼteei hoiʹddje Kela koʹrvveem takssmaaʹtǩid ânnʼjõž suåppmõõžži meâldlânji eeʹjj 2021 loopp räjja.

Ođđ kääzzkõspuuʹtʼteei 1.1.2022 ääʹljeeʹl

Saujj-Kaʹrjjel: Taksi Saimaa Oy da Taksi Päijänne Oy

Saujj-Vuâđđmädd:  Keskustaksi Oy da Vaasan Ulataksi Oy

Saujj-Savo: DRide Oy da Savon Taksidata Oy

Kainuu: Kainuun Taksivälitys Oy da Menevä Oy

Kanta-Häme: Taksi Helsinki Oy da Suomen Lähilogistiikka Oy

Kõskk- da Tâʹvv-Vuâđđmädd: Pohjois-Suomen Taksi Oy da Tampereen Aluetaksi Oy

Kõskk-Lääʹddjânnam: Taksi Helsinki Oy da Menevä Oy

Kymenlaakso: DRide Oy da Suomen Lähilogistiikka Oy

Lappi: Taksi Helsinki Oy da Suomen Lähilogistiikka Oy

Pirkanmaa: Taksi Helsinki Oy da Tampereen Aluetaksi Oy

Vuâđđmädd: Vaasan Ulataksi Oy da Keskustaksi Oy

Tâʹvv-Kaʹrjjel: Joensuun Taksi Oy da Menevä Oy

Tâʹvv-Savo: Taksi Helsinki Oy da Joensuun Taksi Oy

Päijät-Häme: Suomen Lähilogistiikka Oy da Lahden Aluetaksi Oy

Satakunta: Taksi Helsinki Oy da Keskustaksi Oy

Uusimaa: Suomen Lähilogistiikka Oy da Taksi Helsinki Oy

Varsinais-Suomi: Taksi Helsinki Oy da Menevä Oy