Divššo Kela-áššiid áiggil ortnegii ovdal juovllaid – basit váikkuhit doarjagiid máksimii

Kela-áššiid gánneha dikšut áiggil ortnegii ovdal juovllaid, dasgo basit váikkuhit ovdduid máksinbeivviide, ja jahkemolsašupmi lea Kelas hohpolaš áigi.

Áigáiboahtindoarjja geargá kontui ovdal juovllaid, juos ohcamuš ja mildosat leat doaimmahuvvon maŋimustá 10.12. Juovllat áradit maiddái bargguhisvuođaáigge almmuhan- ja máksinbeivviid.

Juovlabasiid ja ođđajagebeaivve Kela bálvalanbáikkit ja telefonbálvalus leat gitta. Lassin jahkemolsašupmi ja jagi vuosttas vahkut leat Kelas máŋgii hohpolaččat.

Oza áigáiboahtindoarjaga áiggil

Juovlamánus áigáiboahtindoarjaga maŋimuš máksinbeaivi ovdal juovllaid lea 23.12. Doarjja geargá dalle kontui, juos ohcamuš ja dárbbašlaš mildosat leat doaimmahuvvon Kelai maŋimustá 10.12.

Juos áššehas dárbbaša áigáiboahtindoarjaga hohpolaččat, son galgá váldit oktavuođa Kela bálvalanbáikái dahje bálvalannummirii 020 692 207 (suomagillii) dahje 020 634 2894 (davvisámegillii). Hohpolaš dilli sáhttá leat ovdamearkan akuhta dárbu máksočatnasupmái dálkasiid dahje borramušgálvvuid várás.

Juos áššehas dárbbaša áigáiboahtindoarjaga hohpolaččat Kela rabasáiggiid olggobealde, gielda sáhttá vihkkedallama mielde mieđihit eastadeaddji áigáiboahtindoarjaga. Akuhta kriisadilis juovlabasiid áigge áššehas sáhttá leat oktavuođas iežas ássangieldda sosiálagohcimii.

Almmut bargguhisvuođabeivviid áiggil

Juovllat áradit bargguhisvuođaáigge almmuhan- ja máksinbeivviid. Oainnát OmaKelas dahje du oažžun almmuhanskovis beaivvi, goas sáhtát guođđit iežat almmuhusa.

Juos bargguhisvuođaáigge almmuhusa áigodat nohká 21.12.2021

  • almmuhusa sáhtát máhcahit 12.2021
  • ruđat leat konttus áramustá 12.2021.

Juos bargguhisvuođaáigge almmuhusa áigodat nohká 22.12.2021

  • almmuhusa sáhtát máhcahit 12.2021
  • ruđat leat konttus áramustá 12.2021.

Juos bargguhisvuođaáigge almmuhusa áigodat nohká 23.12.2021

  • almmuhusa sáhtát máhcahit 12.2021
  • ruđat leat konttus áramustá 12.2021.

Almmuhusa gánneha doaimmahit áššedikšunbálvalusas juo máhcahanbeaivve iđida, vuoi dat gergo gieđahallot nu jođánit go vejolaš.

Telefonbálvalus lea rabas juovllaid ja ođđajagi gaskkas

Suomagielat telefonbálvalus lea juovllaid ja ođđajage gaskasaš vahku áigge rabas dmu 9–16. Ođđajageruohttan telefonbálvalus lea rabas dmu 9–13, muhto áigáiboahtindoarjaga bálvalannummir gohcá dmu 16 rádjai. Davvisámegielat telefonbálvalus lea rabas vu–be dmu 13–15 nummiris 020 634 2894.

Bálvalanbáikkiid rabasáiggiin sáhttet leat nuppástusat juovllaid ja ođđajage gaskkas ja ođđajage maŋŋá. Rabasáiggiid ja uksačujuhusaid gánneha dárkkistit kela.fi bálvalanbáikki ohcamis (suomagillii). Anára bálvalanbáiki (Avvil) lea rabas gaskavahkuid dmu 10–12 ja dmu 13–15.

Bálvalanbáikkit, mat leat bearjadagaid rabas, mannet ođđajageruohttan gitta dmu 13. Čuovvovaš bálvalanbáikkit veahkehit hohpolaš áigáiboahtindoarjagiid dárbbašeaddjiid dmu 16 rádjai:

  • Espoo / Leppävaara
  • Helsset / Kamppi
  • Hämeenlinna
  • Järvenpää
  • ­­­Jyväskylä
  • Kajaani
  • Kirkkonummi
  • Kokkola
  • Kotka
  • Kouvola
  • Kuopio
  • Lahti
  • Lappeenranta
  • Lohja
  • Oulu
  • Pori
  • Porvoo
  • Raisio
  • Rauma
  • Roavvenjárga
  • Salo
  • Seinäjoki
  • Tampere
  • Turku bálvalanbáiki
  • Vaasa
  • Vantaa / Tikkurila

Mii sávvat iežamet áššehasaide ráfálaš juovllaid ja lihkolaš ođđa jagi 2022!

Loga lasi