Hoittáá Kela-aašijd oornigân ääigild ovdil juovlâi – paseh vaigutteh torjui mäksimân

Kela-aašijd kannat hoittáđ ääigild oornigân ovdil juovlâi, tastko paseh vaigutteh hiäđui máksupeivijd, já ive molsom lii Kelast huápulâš äigi.

Áigápuátutoorjâ kiergân tilin ovdil juovlâi, jis ucâmuš já tárbuliih lahtoseh láá toimâttum majemustáá 10.12. Juovlâi tiet meid pargottesvuođâääigi almottem- já máksupeeivih láá tolebáá.

Juovlâi poosij ääigi já uđđâvuođpeeivi Kela palvâlemsajeh já puhelinpalvâlus láá steŋgejum. Toos lasseen ive molsom já ive vuossâmuuh ohoh láá Kelast távjá huápuliih.

Uusâ áigápuátutorjuu ääigild

Juovlâmáánust áigápuátutorjuu majemuš máksupeivi ovdil juovlâi lii 23.12. Toorjâ kiergân talle tilin, jis ucâmuš já tárbuliih lahtoseh láá toimâttum Kelan majemustáá 10.12.  

Jis äššigâs taarbâš áigápuátutorjuu huápust, te sun kalga väldiđ ohtâvuođâ Kela palvâlemsajan tâi palvâlemnumerân 020 692 207 (suomâkielân) tâi 020 634 2894 (tavesämikielân). Huápulâš tile puáhtá leđe ovdâmerkkân kivkked šoddâm tárbu máksučonnâsmân talkkâsij tâi purrâmuškáálvui várás.

Jis äššigâs taarbâš áigápuátutorjuu huápust Kela ávusorroomaaigij ulguubeln, te kieldâ puáhtá kuorâttâllâm vuáđuld mieđettiđ estee áigápuátutorjuu. Kivkked tábáhtum kriisâtiileest juovlâi poosij ääigi äššigâs puáhtá leđe ohtâvuođâst suu aassâmkieldâ sosiaalkocemân.

Almoot pargottesvuođâpeeivijd ääigild

Juovlâi tiet pargottesvuođâääigi almottem- já máksupeeivih láá tolebáá. Tun uáináh OmaKelast tâi tuu finnim almottâsluámáttuvâst peeivi, kuás tun puávtáh kyeđđiđ jieijâd almottâs.

Jis pargottesvuođâääigi almottâs paje nohá 21.12.2021

  • te almottâs puáhtá macâttiđ 21.12.2021
  • ruuđah láá tilist tolemustáá 23.12.2021.

Jis pargottesvuođâääigi almottâs paje nohá 22.12.2021

  • te almottâs puáhtá macâttiđ 22.12.2021
  • ruuđah láá tilist tolemustáá 27.12.2021.

Jis pargottesvuođâääigi almottâs paje nohá 23.12.2021

  • te almottâs puáhtá macâttiđ 23.12.2021
  • ruuđah láá tilist tolemustáá 28.12.2021.

Almottâs kannat toimâttiđ ášástâllâmpalvâlusâst jo macâttempeeivi iđedist, vâi kiergânep kieđâvuššâđ tom nuuvt jotelávt ko máhđulâš. 

Puhelinpalvâlus lii ávus juovlâi já uđđâive kooskâst

Puhelinpalvâlus lii juovlâi já uđđâive koskâsii oho ávus tme 9–16. Uđđâvuođááptu puhelinpalvâlus lii ávus tme 9–13, mutâ áigápuátutorjuu palvâlemnummeer kocá tme 16 räi.

Palvâlemsoojij ávusorroomaaigijn pyehtih leđe nubástusah juovlâi já uđđâive kooskâst já uđđâive maŋa. Ávusorroomaaigijd já jotteemčujottâsâid kannat tärhistiđ kela.fi palvâlemsaje ucâmist (suomâkielân). Aanaar palvâlemsaje (Avveel) lii ávus koskohoi tme 10 –12 já tme 13 –15.

Palvâlemsajeh, moh láá ávus vástuppeeivij, steŋgejuvvojeh uđđâvuođááptu tme 13. Čuávvoo palvâlemsajeh išedeh huápulii áigápuátutorjuu tarbâšeijeid tme 16 räi:

  • Espoo / Leppävaara
  • Helsig / Kamppi
  • Hämeenlinna
  • Järvenpää
  • ­­­Jyväskylä
  • Kajaani
  • Kirkkonummi
  • Kokkola
  • Kotka
  • Kouvola
  • Kuopio
  • Lahti
  • Lappeenranta
  • Lohja
  • Oulu
  • Pori
  • Porvoo
  • Raisio
  • Rauma
  • Ruávinjargâ
  • Salo
  • Seinäjoki
  • Tampere
  • Turun palvelupiste
  • Vaasa
  • Vantaa / Tikkurila

Mij tuáivuttep mii äššigâssáid rávhálijd juovlâid já luholii uđđâ ive 2022!

Luuvâ lase