Kela Me yhdessä – Mii ovttas! -bargobájiin ovddiduvvojit bálvalusat ovttas sámegielagiidda

Kela ordne neahttabargobájiid ráiddu sámegielagiid bálvalusaid ovddideamis. Me yhdessä – Mii ovttas! -bargobájit fállet dilálašvuođa ideaid ja buriid geavadiid juohkimii ja veardásašdoarjagii.

Kela lea maŋimuš jagiid ovddidan aktiivvalaččat sámegielat bálvalusaid ja materiálaid. Sámegielagiid bálvalusaid ja diehtojuohkima ovddideapmi beroštahttá maiddái máŋggaid eará doaibmiid. Kela fállá dál bargoguimmiide bargobájiid ráiddu, gos áššis beroštuvvan doaibmit besset ovttas ságastallat sámegielat bálvalusaid ovddideami birra.

Me yhdessä – Mii ovttas! -bargobájit fállet dilálašvuođa veardásašdoarjagii ja buriid geavadiid juohkimii. Bargobájit heivejit stáhtahálddahusa, buresveadjinguovlluid ja gielddaid áššedovdiide ja bargiide sihke goalmmát sektora doaibmiide. Bargobájiid sáhkavuoruin ja ságastallamiin oažžu ideaid dasa, man láhkai organisašuvdna sáhttá váldit buorebut vuhtii sámegielat áššehasaid gielalaš ja kultuvrralaš vuoigatvuođaid ja bálvalandárbbuid.

Bargobájiid plánemii leat Kela lassin oassálastán maiddái ee. Suoma sámediggi ja Davvi-Suoma sosiálasuorggi máhttinguovddáš.

Bargobájiid temát – almmut maŋimustá 7.12.

Bargobájiid ságastallantemát leat sápmelaš áššehas, sámegiela ja kultuvrra máhttin, bálvalusaid doarju ráhkadusat, giela ja kultuvrra mieldásaš bálvalusat sihke doaibmiid gaskasaš oktasašbargu.

  • bargobádji be 10.12.2021 dmu 12.00–14.00: Sápmelaš áššehassan
  • bargobádji maŋ 11.1.2022 dmu 13.00–15.00: Fáddá dárkkálmuvvá 1. bargobáji maŋŋá
  • bargobádji du 3.2.2022 dmu 13.00–15.00: Fáddá dárkkálmuvvá 2. bargobáji maŋŋá

Bargobájit leat nuvttá, ja dát lágiduvvojit Teams -birrasis Howspace -oktasašbargovuloža ávkingeavahemiin. Sáhtát oassálastit ovtta dahje máŋgga bargobádjái.

Almmut bargobájiide maŋimustá maŋŋebárgga 7.12. Lyytis čujuhusas https://www.lyyti.fi/reg/Me_yhdessa_9731. Oaččot bargobájiid oassálastinliŋkkaid almmuheami nannenpoasttas. Bargobájiid giella lea suomagiella. Bargobájit eai vurkejuvvo.

Bures boahtin Me yhdessä – Mii ovttas -bargobájiide!

Loga lasi