Kela Me yhdessä – Mij oovtâst! -pargopáájáin ovdedep oovtâst palvâlusâid sämikielâláid

Kela uárnee nettipargopájárááiđu sämikielâlij palvâlusâi oovdedmist. Me yhdessä – Mij oovtâst! -pargopáájáh fäälih tilálâšvuođâ ideai já šiev vuáháduvâi jyehimân já viärdásâštoorjân.

Kela lii majemui iivij ääigi ovdedâm aktiivlávt jieijâs sämikielâlijd palvâlusâid já materiaalijd. Sämikielâlij palvâlusâi já viestâdem ovdedem kiäsut meid maaŋgâid eres tuáimeid. Kela fáálá tääl kuoimijdis rááiđu pargopáájáin, main ääšist perustum peleh peesih oovtâst savâstâllâđ sämikielâlij palvâlusâi oovdedmist.

Me yhdessä – Mij oovtâst! -pargopáájáh fäälih tilálâšvuođâ viärdásâštoorjân já šiev vuáháduvâi jyehimân. Pargopáájáh heivejeh staatâhaldâttuv, pyereestvaijeemkuávlui já kieldâi äššitobdeid já pargeid sehe kuálmád sektor tuáimeid. Pargopáájái vuáđusaavâin já savâstâlmijn finnee ideaid toos, maht ornijdume puáhtá pyerebeht väldiđ huámmášumán sämikielâlij äššigâsâi kielâlijd já kulttuurlijd vuoigâdvuođâid já palvâlemtáárbuid.  

Pargopáájái vuáváámân láá Kela lasseen uásálistám meid ei. Suomâ sämitigge já Tave-Suomâ sosiaalsyergi mättimkuávdáš.

Pargopáájái teemah – almottât majemustáá 7.12.

Pargopáájái savâstâllâmteemah láá sämmilâš äššigâsvuotâ, sämikielâ já -kulttuur mättim, palvâlusâid tuárjoo ráhtuseh, kielâ já kulttuur miäldásiih palvâlusah sehe tuáimei koskâsâš oovtâstpargo.

  • pargopáájá vá 10.12.2021 tme 12.00–14.00: Sämmilâš äššigâssân
  • pargopáájá ma 11.1.2022 tme 13.00–15.00: Fáddá tärkkilistuvá 1. pargopáájá maŋa
  • pargopáájá tu 3.2.2022 tme 13.00–15.00: Fáddá tärkkilistuvá 2. pargopáájá maŋa

Pargopáájáh láá nuuvtá, já toh uárnejuvvojeh Teams-pirrâsist anemáin Howspace-oovtâstpargovuáđu. Tun puávtáh uásálistiđ oovtâ teikâ maaŋgâ pargopááján.

Almottâttâm pargopáájáid majemustáá majebaargâ 7.12. Lyytist čujottâsâst https://www.lyyti.fi/reg/Me_yhdessa_9731. Tun finniih pargopáájái uásálistemliiŋkâid almottâttâm nonnimviestâst. Pargopáájái kielâ lii suomâkielâ. Ep vuorkkii pargopáájáid.

Tiervâpuáttim Me yhdessä – Mij oovtâst! -pargopáájáid!

Luuvâ lase