Gii sáhttá oažžut Kela doarjagiid?

Sáhtát dábálaččat oažžut Kela doarjagiid, juos ásat Suomas fásta dahje barggat Suomas ja oaččut bálkká unnimustá sulaid 724 e/mb.

Spiehkastahkan lea, juos ásat Suomas muhto barggat nuppi Eurohpá uniovnna riikkas. Dalle it dábálaččat sáhte oažžut Kela doarjagiid.

Go fárret Supmii, doarjagiid oažžumii váikkuha dat, fárretgo Supmii

  • muhtun Davviriikkas
  • muhtun Eurohpá uniovnna (EU) dahje Eurohpá dállodoalloguovllu (Edg) riikkas dahje Šveiccas
  • riikkas, mainna Suomas lea sosiáladorvosoahpamuš.

EU-riikkat leat

  • Suopma
  • Belgia
  • Bulgaria
  • Dánmárku
  • Duiska
  • Espánnja
  • Estlánda
  • Fránkariika
  • Greika
  • Hollánda
  • Irlánda
  • Itália
  • Kroatia
  • Kypros
  • Látvia
  • Lietuva
  • Luxemburga
  • Malta
  • Nuortariika
  • Portugala
  • Polska
  • Románia
  • Ruoŧa
  • Slovakia
  • Slovenia
  • Tšekki
  • Ungára.

Stuorra-Británnia ii leat EU-riika 1.2.2020 rájes. Loga lasi dán fáttás Kela siidduin (suomagillii).

Edg-riikkat leat

  • Eurohpá uniovnna riikkat
  • Islánda
  • Liechtenstein
  • Norga.

Riikkat, mainna Suomas lea sosiáladorvvu guoskevaš soahpamuša, leat

  • Austrália
  • Chile
  • Davviriikkat
  • India
  • Israel
  • Kanáda (ja Quebec)
  • Kiinná
  • Mátta-Korea
  • Ovttastuvvan Stáhtat.

Doarjaga oažžumii váikkuha lassin dat, fárretgo Supmii

  • bargin dahje fitnodatdoallin
  • studeantan
  • bearašlahttun
  • sáddejuvvon bargin.

Juos dus lea vuoigatvuohta Kela dikšun buohcoodjui, oaččut Kela-koartta.

Mii lea fásta ássan?

Ásat Suomas fásta, juos dus lea dáppe fásta visti ja ruoktu ja juos orut eanaš dáppe.

Go fárret Supmii, Kela árvvoštallá orruma bissovašvuođa. Árvvoštallamis váldojuvvo vuhtii du dilli oppalaččat, masa váikkuhit ovdamearkan čuovvovaš áššit:

  • Máhcatgo olgoriikkain ruovttoluotta Supmii ássat?
  • Leago dus bargosoahpamuš dakkár barggu várás, maid barggat Suomas?
  • Leatgo náittosdilis dahje eará lagaš bearašgaskavuođas olbmuin, gii ássá fásta Suomas?

Juos fárret Supmii gaskaboddasaččat, dus ii dábálaččat leat vuoigatvuohta Kela doarjagiidda. Ovdamearkka dihte dorvobáikeohccis ii leat vuoigatvuohta Kela doarjagiidda.