Siirdčõõttâmiʹlmmtõs da tuärjjõõzzi ooccâm

Iʹlmmet Kelaaʹje, jõs

  • leäk siirdčõõttâm Lääʹddjânnma da ooʒʒak Kelast tuärjjõõzz
  • siirdčõõđak kõskkpoddsânji leʹbe põõššjen ålggjânnmid da vuäǯǯak Kelast tuärjjõõzz
  • määccak Lääʹddjânnma ålggjânnmest jälstummuž mâŋŋa da leäk ääiʹjben vuäǯǯam Kelast tuärjjõõzz.

Muuʹšt iʹlmmted siirdčõõttmest Digi- da narodteâttkonttra še (tuâlʼjõž maistratt).

Ko siirdčõõđak Lääʹddjânnma, iʹlmmet siirdčõõttmest še vuâlggjânnmad veʹrǧǧniiʹǩǩid.

Tueʹjjed iʹlmmtõõzz da ooʒʒ Kela tuärjjõõzzid neeʹttest. Tääʹrǩest ooccmõõžžâst, mõõk meâlddõõzz tõʹst âʹlǧǧe leeʹd. Meâlddõõzzid vuäitt vuõltteed še neeʹttest.

Vuäitak ooccâd tuärjjõõzzid še lomaakkin, koon vuäǯǯak Kela konttrest da neʹttseeidain. Vuäǯǯak lomaakk Kela konttrest še.

Jõs ooʒʒak tuärjjõõzz lomaakkin, vuõlttâd tõn pååʹšt mieʹldd Kelaaʹje. Kela pååʹštaddrõs lij

Kela
PL 10
00056 KELA

Jõs vuäǯǯak leʹbe leäk ooccâm Kelast tuärjjõõzz, vuäǯǯak domoi tuʹmmstõõǥǥ. Tuʹmmstõõǥǥâst mušttlet tuärjjõõzz meäʹr, vuâđ da mäʹhssempeeiʹv. Vuäǯǯak tuʹmmstõõǥǥ teʹl še, jõs tuʹnne ij leäkku miõttum tuärjjõs.

Jõs tuʹst ij leäkku teänab vuõiggâdvuõtt Kela tuärjjõõzzid, jiõk vueiʹt ââʹnned euroopplaž puõccihåiddkoort.

Vuäitak håiddad miâlggâd puk Kela-aaʹššääd lääddas, ruõccâs leʹbe eŋgglõsǩiõʹlle teʹlfoonâst še.

Jõs jiõk maainâst lääʹdd-, ruõcc- leʹbe eŋgglõsǩiõl, vuäitak raukkâd Kela-aaʹšši håiddmõʹšše tuʹlǩǩummuž. Jõs taarbšak tuulk, vääʹld õhttvuõđ Kelaaʹje.

Vuäitak še uʹvdded nuuʹbb ooumže lååʹv håiddad Kela-aaʹššid tuu peäʹlest.