Jeeʹres oummu ko tuâjjla

Piârri vuäzzla

Jõs siirdčõõđak ålggjânnmid tuu piârri vuäzzla mieʹldd da ääiǥak jälsted ålggjânnmin jäänmõsân 6 määnpââʹj, tuʹst lij takainalla vuõiggâdvuõtt Kela tuärjjõõzzid.

Jõs siirdčõõđak ouddmiârkkân mättʼtõõđi, vuõlttuum tuâjjla, riikk veeʹrjest reâuggai leʹbe oouʹdeemõhttsažtuâj tuejjeei oummu piârri vuäzzliʹžžen, vuäitak vuäǯǯak Kelast tuärjjõõzzid, håʹt jälsteʹčiǩ ålggjânnmin pâʹjjel 6 määnpââʹj. Tuʹst feʹrttai iʹlmmted ålggjânnmin jälstummuž pirr Kelaaʹje.

Jõs siirdčõõđak EU-jânnma da reâuǥak toʹben, seʹlvvet Kelast, vuäitak-a vuäǯǯad Kela tuärjjõõzzid.

Mättʼtõõđi da tuʹtǩǩeei

Tuʹst lij vuõiggâdvuõtt Kela tuärjjõõzzid, håʹt mättʼtõõđčiǩ ålggjânnmin pâʹjjel 6 määnpââʹj.

Jõs mättʼtõõttmõššad peštt pâʹjjel 6 määnpââʹj da vuäǯǯak Kelast mätt-tieʹǧǧ, Kela tuʹtǩǩad, lij-a tuʹst vuõiggâdvuõtt jeeʹres Kela tuärjjõõzzid. Jõs jiõk vuäǯǯ Kelast mätt-tieʹǧǧ, iʹlmmet ålggjânnam määttain Kelaaʹje.

Jõs reâuǥak jiânnai määttääd paaldâst, jiõk vieʹltǩani vuäǯǯ Kela tuärjjõõzzid. Nääiʹt lij jeäʹrben teʹl, jõs åårääk EU-jânnmest.

Muuʹšt iʹlmmted Kelaaʹje reâuǥast, koon reâuǥak nuuʹbb EU-jânnmest. Vääʹld seeʹlv še reâuggamjânnmad sosiaalstaan määinain.