Jis tun varriih Suomâst olgoenâmáid

Jis tun varriih pisovávt teikkâ koskâpuddâsávt olgoenâmáid, te almoot tast Kelan, jis tunjin máksoo miinii Kela torjuid.

Almoot Kelan meid, jis tuu tile muttoo, ko tun lah olgoenâmijn. Almoot ovdâmerkkân

  • uápui tâi porgâm aalgâtmân kyeskee
  • uápui tâi porgâm joskâmân kyeskee
  • tuu peerâkoskâvuođáid kyeskee nubástusâin, ovdâmerkkân näimi-iärránmist tâi oohtân varriimist oovtâst pelikuoimijn.

Koskâpuddâsâš vâi pisovâš varrim?

Tuu vuoigâdvuođah Kela torjuid čuávdojeh táválávt ton vuáđuld, ete mon kuhháá tun ááiguh leđe olgoenâmijn.

Jis tun ááiguh leđe olgoenâmijn vuálá 6 mánuppaje, te tust lii ton ääigi táválávt vuoigâdvuotâ Kela torjuid. Talle tun puávtáh uážžuđ taid Kela torjuid, moh máksojeh olgoenâmáid. Toh láá ovdâmerkkân iäláttuvah, pärnilase, enijtoorjâ já eres pärniperrui torjuuh.

Jis tun varriih pisovávt olgoenâmáid, te tust ij táválávt lah innig vuoigâdvuotâ Kela torjuid. Varrim annoo pisovâžžân, jis lii uáivildum, ete tot pištá paijeel 6 mánuppaje. Talle tuu vuoigâdvuotâ Kela torjuid táválávt nohá, ko tun varriih Suomâst. 6 mánuppaje äigirääji ij lah absoluutlâš, jis tun lah nube EU-staatâst, Eta-staatâst tâi Sveitsist koskâpuddâsávt.

Ko tun varriih nube staatân, te vääldi čielgâs, ete puávtáh-uv uážžuđ torjuid tuu uđđâ aassâmstaatâst.

Staatâ virgeomâháin lii vuoigâdvuotâ Kela torjuid meid talle, ko sii ääsih olgoenâmijn. Jis sii perruujesâneh vyelgih fáárun, te sij kalgeh almottiđ varriimist Kelan.

Meid ovdâmerkkân uáppein já vuolgâttum pargein puáhtá leđe vuoigâdvuotâ Kela torjuid, veikâ láá olgoenâmijn paijeel 6 mánuppaje.

Uási ivveest olgoenâmijn

Jis tun aasah olgoenâmijn kiärdulávt paijeel pele ivveest, te tust ij lah táválávt vuoigâdvuotâ Kela torjuid.

Äigirääji ij lah absoluutlâš, jis tun aasah nube EU-staatâst, Eta-staatâst tâi Sveitsist koskâpuddâsávt.

Luuvâ lase