Maht áigápuátutorjuu meeri rekinistoo?

Puávtáh uážžuđ vuáđuáigápuátutorjuu, jis tuu tuhhiittettee koloh láá stuárráábeh ko puáđuh. Torjuu meeri rekinistoo nuuvt, ete puáđuin kepiduvvojeh koloh, moos puáhtá uážžuđ áigápuátutorjuu. Vuáđu-uási kulá koloid.

Kela taha tuu puáduin já koloin rekinistem. Rekinistem vuáđuld čiälgá, ete mon ennuv tun puávtáh uážžuđ vuáđuáigápuátutorjuu.

Áigápuátutorjust ij moonâ viäru.

Rekinist rekinistempalvâlusâst, ete mon ennuv tun suulân puávtáh uážžuđ vuáđuáigápuátutorjuu (suomâkielân).

Ovdâmerkkâ áigápuátutorjuu mere rekinistmist

Sáárá lii pargottes ohtuuhuolâtteijee, kiäst láá 11- já 13-ihásiih päärnih. Sun ocá Kelast vuáđuáigápuátutorjuu, tastko suu ruuđah iä pijssáá puoh koloid.

Perruu puáđuh láá:

  • pargomarkkântoorjâ jâ pärnialedem 662,72 e/mp
  • pärnilase jâ ohtuuhuolâtteijeealedem 326,72 e/mp
  • aassâmtoorjâ 592 e/mp
  • elettemtoorjâ 334,02 e/mp.

Puáđuh ohtsis: 1 915,06 e/mp.

Perruu koloh láá:

  • láigu 810 e/mp
  • čäcimáksu 45 e/mp
  • táváliih argâkoloh ađai vuáđu-uási, mon miärán vaaikut perruu stuárudâ 1 250,51 e/mp
  • ohtuuhuolâtteijee 572,52 e/mp
  • vuossâmuš paijeel 10-ihásâš pärni 351,55 e/mp
  • nubbe paijeel 10-ihásâš pärni 326,44 e/mp.

Koloh ohtsis: 2 105,51 e/mp.

Puáđuin kepiduvvojeh koloh: 1 915,06 e/mp – 2 105,51 e/mp = – 190,45  e/mp.

Sáárá perrui máksoo vuáđuáigápuátutoorjâ 190,45 e/mp.