Maht puáđuh vaigutteh uápputoorjân?

Tust uážžuh leđe puáđuh siämmást, ko uážuh uápputorjuu. Oovtâ ive ääigi puáđuh uážžuh leđe ihepuáturääji verd. Ihepuáturääji miärášuvá ton mield, ete kalle mánuppaje tun lah uážžum uápputorjuu.

Ihepuáturääjih 2020-2021
Toorjâmánuppajeh kalenderive ääigi Ihepuáturääji, eurod/kalenderihe
1 23 554
2 22 172
3 20 790
4 19 408
5 18 026
6 16 644
7 15 262
8 13 880
9 12 498
10 11 116
11 9 734
12 8 352

Täärhist ive 2022 puáturaajijd (suomâkielân).

Tun puávtáh finniđ puáđuid kuás peri kalenderive ääigi. Uápputorjuu já aassâmtorjuu iä rekinist puáttun.

Jis tun algâttah uápuid tâi valmâštuuh kaskoo ive, tun puávtáh ánsášiđ rijjâ puáđuid ovdil tuu uápui älgim já valmâštum maŋa. Tarkkuu kuittâg puáturaajijd uáppumánuppoojij ääigi. Huolât tast, ete tust láá puáđuh uápui ääigi enâmustáá 696 e/mp toorjâmánuppaje kuáttá já 2 078 e/mp torjuuttes mánuppaje kuáttá.

Kela puáhtá táttuđ tuu čielgâdiđ, ete kuás tun lah finnim tuu puáđuid.

Jis tun koskâlditáh tuu uápuid kaskoo ive, te tuu puáđuh váldojeh huámmášumán oles ivveest.

Luuvâ lase tast, maht puáđuh vaigutteh uápputoorjân (suomâkielân).

Jis puáđuh maneh paijeel ihepuáturääji

Tun koolgah jieš huolâttiđ tast, ete puáđuh iä moonâ paijeel ihepuáturääji. Jis puáđuh maneh paijeel, te Kela piärá maasâd paijeelmere maksum uápputorjuu. Peerrâmsuumán lasettuvvoo 7,5 prooseent pajedem.

Jis tun huámmášah, ete uážuh puáđuid eenâb ko ihepuáturääji, tun puávtáh toimâđ čuávuvávt:

  • Uusâ uápputorjuu tuše  uáppumánuppoojij uásá.
  • Looppât uápputorjuu mottoom mánuppoojijn.
  • Maaccât uápputorjuu jieijâd valjim mánuppoojijn maassâd Kelan.

Maaccât paijeelmiärálijd uápputorjuid ovdil čuávuváá ive cuáŋuimáánu loopâ.

Rekinist rekinistempalvâlusâst, mon ennuv puáđuh tust pyehtih leđe uápputorjuu lasseen (suomâkielân).

Tun puávtáh tárhistiđ ihepuáturääijid já rähtiđ uápputorjuu kyeskee nubástusâid Kela viermipalvâlusâst.