Mäʹhtt piʹrǧǧeemtuärjjõõzz meäʹr laʹsǩǩeet?

Vuäitak vuäǯǯad vuâđđpiʹrǧǧeemtuärjjõõzz, jõs tuʹst lie jäänab vuâđđpiʹrǧǧeemtuärjjõʹsse primmsallaš kool ko puåtti da väär.

Kela tuejjad puåttjinad da koolainad laaskâlm. Vuâđđvueʹzz laʹsǩǩeet mieʹldd koolaid. Laaskâlm veäkka seʹlvvan, mâʹmmet vuäitak vuäǯǯad vuâđđpiʹrǧǧeemtuärjjõõzz. Tuärjjõõzz meäʹr vuäǯǯat nuʹtt, što puåttjin ǩieʹppeet koolaid, koid vuäitak vuäǯǯad piʹrǧǧeemtuärjjõõzz.

Piʹrǧǧeemtuärjjõõzzâst jeät mahssu piiđ.

Ärvvtõõl laʹsǩǩeem-mašinain, mâʹmmet vuäitak vuäǯǯad vuâđđpiʹrǧǧeemtuärjjõõzz (lääddas).

Ouddmiârkk piʹrǧǧeemtuärjjõõzz meäʹr laʹsǩǩummšest

Kaiʹssi lij reâuǥteʹmes õhttuhuõlteei, ǩeäʹst lie 11- da 13-ekksa päärna. Son ååcc Kelast vuâđđpiʹrǧǧeemtuärjjõõzz, ko suu tieʹǧǧ jie riʹjtte pukid koolaid. Kaiʹssjest jie leäkku ni väär, mâʹte šeäšt baŋkktiil âʹlnn.

Piârri puåtti lie:

  • reâuggmarkkântuärjjõs da päärnažpââjõs 664,96 e/mp
  • päärnažlââʹss da õhttuhuõlteeipââjõs 326,32 e/mp
  • jälstemtuärjjõs 592,80 e/mp
  • jeäʹltemtuärjjõs 334,70 e/mp.

Puåtti õhttsiʹžže: 1 918,78 e/mp

Piârri kool lie:

  • vuåkrr 810 e/mp
  • čääʹccmähss 45 e/mp
  • takai aarǥ kool leʹbe vuâđđvueʹzz õhttsiʹžže 1 255,11 e/mp
  • õhttuhuõlteei 574,63 e/mp
  • vuõssmõs pâʹjjel 10-ekksaž päärnaž 352,84 e/mp
  • nuʹbb pâʹjjel 10-ekksaž päärnaž 327,64 e/mp.

Kool õhttsiʹžže: 2 110,11 e/mp

Puåttjin ǩieʹppeet koolaid: 1 918,78 e/mp – 2 110,11 e/mp = – 191,33 e/mp.

Kaiʹssi piârrja määuʹset vuâđđpiʹrǧǧeemtuärjjõõzz 191,33 e/mp.