Mâʹmmet vuäitak vuäǯǯad takai jälstemtuärjjõõzz?

Jälstemtuärjjõs vuäitt leeʹd jäänmõsân 80 % leʹbe nellj viiđadvueʹzz jälstemkoolain. Määusak âʹte jiõčč jälstemkoolainad pâi uuʹccmõsân 20 % leʹbe õõut viiđadvueʹzz.

Jälstemtuärjjõõzz jeät kuuitâǥ mahssu pukin jälstemkoolain, peʹce primmsallaš jälstemkool lie meäʹrtõllum lääʹjjest.

Lääʹjjest meäʹrtõõlât še jäänmõsjälstemkoolaid leʹbe šuurmõs jälstemkoolai euʹrrmeäʹr, koon vuâđald vuäitt vuäǯǯad jälstemtuärjjõõzz. Jõs tuu jälstemkool lie šuurab ko jäänmõsjälstemkool, vuäitak vuäǯǯad jälstemtuärjjõõzz jäänmõsân jäänmõsjälstemkoolai mieʹldd.

Jäänmõsjälstemkoolaid vaaikte azlmest jälsteei vuõrâsoummi da päärnai lååkkmieʹrr di aazzâlm sâjjõskåʹdd.

Aazzâlm sâjjõs

Kååʹdd lie juõkkum neellj jouʹǩǩe jälstummuž hââʹdd mieʹldd.

Vuõssmõs jouʹǩǩe kooll Heʹlssen. Toʹben jälstummuš lij kaallšumus, da tõn diõtt toʹben vuäǯǯ šuurmõs jälstemtuärjjõõzz.

Nuuʹbb jouʹǩǩe koʹlle

  • Espoo
  • Kauniainen
  • Vantaa

Kuälmad jouʹǩǩe koʹlle

  • Hyvinkää
  • Hämeenlinna
  • Joensuu
  • Jyväskylä
  • Järvenpää
  • Kajaani
  • Kerava
  • Kirkkonummi
  • Kouvola
  • Kuopio
  • Lahti
  • Lappeenranta
  • Lohja
  • Mikkeli
  • Nokia
  • Nurmijärvi
  • Oulu
  • Pori
  • Porvoo
  • Raisio
  • Riihimäki
  • Ruäʹvnjargg
  • Seinäjoki
  • Sipoo
  • Siuntio
  • Tampere
  • Turku
  • Tuusula
  • Vaasa
  • Vihti.

Neelljad jouʹǩǩe koʹlle puk jeeʹres kååʹdd.

Ålaand kååʹdd koʹlle jiijjâs-i jouʹǩǩe.

Ärvvtõõl laʹsǩǩeem-mašinain, mâʹmmet vuäitak vuäǯǯad jälstemtuärjjõõzz (lääddas).

Ouddmiârk

Päälaǥ jäälast õhttu vuåkrrazlmest Heʹlssnest. Son mähss vuåkr 800 e/mp. Õhttu jälsteei oummu jälstemkoollan vueiʹtet Heʹlssnest priimmâd jäänmõsân 521 e/mp. Päälaǥ jälstemtuärjjõõzz meäʹr laʹsǩǩeet âʹte 521 eeuʹr mieʹldd. Tõn jeät laʹsǩǩuku Päälaǥ vuåkr leʹbe 800 eeuʹr vuâđald.

Åʹll jäälast õhttu vueʹllposttšeʹǩǩen Kemi-gåårdest. Son mähss vuåkr 291 e/mp. Õhttu jälsteei oummu jälstemkoollan Kemi-gåårdest vueiʹtet priimmâd jäänmõsân 353 e/mp. Ååʹll jälstemtuärjjõõzz meäʹr vueiʹtet âʹte laʹsǩǩeed Ååʹll mäʹhssem vuåkr leʹbe 291 eeuʹr mieʹldd, ko vuåkr mieʹrr ij mõõn jäänmõsjälstemkoolai pâʹjjel.