Mat boađut váikkuhit áigáiboahtindoarjagii?

Vuođđoáigáiboahtindoarjaga mearrái váikkuhit buot boađut ja várit, mat dus ja du bearrašis leat. Boađuide rehkenastojuvvojit maiddái eará sosiáladoarjagat, maid don oaččut.

Vuođđoáigáiboahtindoarjja lea maŋimuš saji ekonomalaš doarjja. Dat dárkkuha dan, ahte galggat vuos ohcat eará doarjagiid, maidda dus lea vuoigatvuohta.

Eará doarjagat, maid Kela máksá, leat ovdamearkka dihte

  • bargguhisvuođadorvu
  • ássama doarjagat
  • ealáhagat
  • oahppodoarjja
  • buohcuvuođabeaiveruhta
  • vánhemiidbeaiveruhta
  • mánáidruhta
  • ruovttudikšundoarjja
  • ealihandoarjja.

Go áigáiboahtindoarjagis mearriduvvo, boađut váldojit vuhtii nettomearis nappo vearuid maŋŋá.

Oahpásnuva dasa, mo eará doarjagat váikkuhit áigáiboahtindoarjagii.

Lea buorre muitit, ahte áigáiboahtindoarjagii váikkuhit maiddái várit, mat dus leat geavaheamis. Várit dárkkuhit ovdamearkka dihte báŋkokonttu seasttuid dahje dakkár opmodaga, man sáhtát vuovdit.