Mo boađut váikkuhit oahppodoarjagii?

Dus sáhttet leat boađut seamma áigge, go loktet oahppodoarjaga. Ovtta jagi áigge dus ožžot leat boađut jahkeboahtorájá rádjai. Jahkeboahtorádjá mearrašuvvá dan mielde, galle mánotbaji nammii leat lokten doarjaga.

Jahkeboahtorájit jagis 2021
Doarjjamánotbajit kaleanddarjagi áigge Jahkeboahtorádjá, euro/kaleanddarjahki
1 23 554
2 22 172
3 20 790
4 19 408
5 18 026
6 16 644
7 15 262
8 13 880
9 12 498
10 11 116
11 9 734
12 8 352

Dárkkis jagi 2022 boahtorájáid (suomagillii).

Sáhtát oažžut boađuid goas nu kaleanddarjagi áigge. Oahppodoarjja ja ássandoarjja eai rehkenastojuvvo boahtun.

Juos álggahat oahpuid dahje gearggat skuvllas gaskan jagi, sáhtát oažžut boađuid friddja ovdal oahpuid álggu ja nohkama maŋŋá. Čuovo goittotge boahtorájáid oahppománotbajiid áigge.Fuolat das, ahte du boađut stuđerenáiggis leat eanemustá 696 e/mb doarjjamánotbaji nammii ja 2 078 e/mb dakkár mánotbajis, goas it leat ožžon oahppodoarjaga.

Kela sáhttá bivdit du čilget, goas leat ožžon boađuid.

Juos gaskkalduhtát oahpuid gaskan jagi, de boađut váldojuvvojit vuhtii oppa jagis.

Loga lasi das, mo boađut váikkuhit du oahppodoarjagii (suomagillii).

Juos boađut mannet jahkeboahtorájá badjel

Galggat ieš fuolahit das, ahte boađut eai mana badjel jahkeboahtorájá. Juos boađut mannet badjel jahkeboahtorájá, de Kela bearrá ruovttoluotta liiggás máksojuvvon oahppodoarjaga. Berrojuvvon submái lasihuvvo 7,5 % bajádus.

Juos fuomášat, ahte du boađut mannet badjel boahtorájá, de sáhtát bargat ná:

  • Oza oahppodoarjaga dušše dihto oahppománotbajiide.
  • Almmut Kelai, ahte it váldde oahppodoarjaga dihto mánotbajiin.
  • Máhcat Kelai oahppodoarjaga iežat válljen mánotbajiin.

Máhcat badjelmearálaš oahppodoarjaga čuovvovaš jagi cuoŋománu loahpa rádjai.

Sáhtát ieš árvvoštallat, man olu boađut dus sáhttet leat oahppodoarjaga lassin (suomagillii).

Sáhtát ieš dárkkistit iežat boahtorájá ja dahkat nuppástusaid oahppodoarjagii Kela áššiiddikšunbálvalusas neahtas.