Moh puáđuh vaikutteh áigápuátutorjui?

Vuáđuáigápuátutorjuu miärán vaikutteh puoh puáđuh já omâduvah, moh tust já tuu perrust láá. Puáđoid rekinistojeh meid torjuuh, maid tun uážuh.

Vuáđuáigápuátutoorjâ lii majemuu tile ekonomâlâš toorjâ. Tot meerhâš, ete tun koolgah uuccâđ vistig eres torjuid, mooid tust lii vuoigâdvuotâ.

Kela mäksim eres torjuuh láá ovdâmerkkân

  • pargottesvuotâtorvo
  • aassâmtorjuuh
  • iäláttuvah
  • uápputoorjâ
  • puoccâmpeiviruttâ
  • vaanhimijpeiviruttâ
  • pärnilase
  • päikkitipšotoorjâ
  • elettemtoorjâ.

Ko áigápuátutorjust meriduvvoo, te puáđuh váldojeh huámmášumán nettomeerrin ađai viärui maŋa.

Áigápuátutorjui vaikutteh meid kevttimnáál orroo omâduvah, tego paŋkkitilist šiäštust orroo ruuđah.