Vääʹld ougglõsõhttvuõđ
Ougglõskääzzkõõzzâst vuäǯǯak õhttvuõđ Kela kääzzkâʹsttemäʹšštobddjin video-õhttvuõđ veäkka. Ougglõskääzzkõs lij tän poodd vuäǯǯamnalla tåʹlǩ lääʹddǩiõʹlle da tâʹvvsääʹmǩiõʹlle.
Vuäitak väʹldded õhttvuõđ ougglõskääzzkõʹsse juʹn-a jiijjad aparaattâst, Virtu-kääzzkâʹsttempääiʹǩest leʹbe Kela õõutsââʹjest jeeʹres õõlmâs organisaatioivuiʹm tuõʹllʼjem äʹššeempääiʹǩest.
Kaaunak kääzzkâʹsttempaaiʹǩi, äʹššeempaaiʹǩi da Virtu-kääzzkâʹsttempaaiʹǩi õhttvuõtt-teâđaid da äävaiåårramaaiʹjid kääzzkâʹsttempääiʹǩ ooccmin (lääddas).
Nääiʹt vääldak ougglõsõhttvuõđ Kelaaʹje
Jõs haaʹlääk ââʹnned ougglõskääzzkõõzz jiijjad aparaattâst, taarbšak teʹlfoon, tableeʹtt leʹbe teâttmašina, koʹst lie
- mikrofoon, šäiggan leʹbe kulstõõǥǥ di videokamera
- Google Chrome -neʹttlookki (versio 64 leʹbe ođđsab)
- nokk jåʹttlõs kobddneʹttlinjjõhttvuõtt, što videokoovv kuâsttai.
Vuäitak ååʹn ââʹnned ougglõskääzzkõõzz iOS-mobiilââʹnnemriâšldõõǥǥin še. Taarbšak Safari-neʹttlookki.
Iʹlmmet võõʹjjin neʹttpooʹštin Kela teeknlaž tuärjjõʹsse, tekninentuki@kela.fi, leʹbe teʹlfoonin 020 63 47 748.