Jis tun puáccááh

Jis tun puáccááh tâi jis tust lii váddu, puávtáh uážžuđ Kelast ruđâlii torjuu. Jis puácuvuotâ tâi váddu vaaigut tuu navccáid piergiđ aargâst tâi porgâđ, puávtáh uážžuđ Kelast vajoidittem.

Kela máksá iärásij lasseen uási čuávuváin koloin:

  • reeseepttalkkâseh, moh kuleh sajanmäksimnáál talkkâsáid
  • priivaat tuáhtár máávsuh
  • priivaat pänituáhtár máávsuh
  • määđhih pyecceetiipšon, tutkâmušân tâi vajoiditmân.

Toos lasseen Kela máksá tiänásmonâttem, mii šadda jieijâs puácuvuođâst tâi puáccám päärni tipšomist.

Kela ij sajanmäävsi tipšom almos tiervâsvuotâhuolâttâsâst adai tipšon tiervâsvuotâkuávdáást teikâ pyecceiviäsust.

Jis tun lah pargoost, te tun puávtáh eelliđ pargotiervâsvuotâhuolâttâsâs, mon pargoadeleijee uárnee. Toos lasseen táhádâsfinnoduvah vyebdih priivaat puoccâmtáhádâsâid puáccám várás.

Jis pärni puáccáá

Jis pärni puáccáá já taarbâš tuáhtár tipšo, te tun puávtáh tuálvuđ suu tiervâsvuođâkuávdážân
tâi priivaat tuáhtárân.

Kela sajanmáksá uási priivaat tuáhtár máávsuin. Toos lasseen Kela sajanmáksá uási talkkâsij haddeest. Kela ij määvsi tipšoid tiervâsvuođâkuávdáást.

Jis vuálá 10-ihásâš pärni puáccáá kivkked, ovdâmerkkân leencun, te tun puávtáh pääcciđ meddâl pargoost tipšođ suu. Tot kočoduvvoo koskâpuddâsâš tipšorijjân. Koskâpuddâsâš tipšomrijjâ lii enâmustáá 4 pargopeeivi. Stuárráámus uási pargoadeleijein mäksih päälhi koskâpuddâsii tipšoriijâ ääigist. Kela ij määvsi torjuu taan ääigist.

Sierânâstipšoruttâ

Jis tun tipšoh pyeccee tâi vádulii vuálá 16-ihásii päärni, te tun puávtáh uuccâđ Kelast sierânâstipšoruuđâ. Tun puávtáh uážžuđ sierânâstipšoruuđâ, jis tun koolgah leđe pargoost meddâl

  • päärni pyecceeviäsutipšo tiet
  • päärni pyecceeviäsutiipšon lohtâseijee päikkitipšo tiet
  • päärni vajoidittem tiet
  • päärni škovlâkeččâlem tâi peivitipšokeččâlem tiet.

Sierânâstipšoruttâ lii siämmáá stuárusâš ko puoccâmpeiviruttâ. Päärni ahe, puácuvuotâ, tipšosaje já tipšo muddo vaigutteh toos, ete puávtáh-uv uážžuđ tom.

Ucâmušâst kalga leđe fáárust tuáhtár čäällim D-tuođâštus, mast agâstâlloo tárbu uásálistiđ päärni tiipšon.

Uusâ sierânâstipšoruuđâ 4 mánuppaje siste tipšo älgimist.

Luuvâ lase sierânâstipšoruuđâ ucâmist (suomâkielân).

Kela-korttâ

Jis tust lii Kela-korttâ, te tun uážuh tooin sajanmáávsu tipšokoloin maaŋgâin priivaat tuáhtársajattuvâin. Návt tun jieh taarbâš uuccâđ sajanmáávsu sierâ. Uážuh Kela-korttâ, jis tust lii vuoigâdvuotâ talhâssajanmávssoid já eres puoccâmân lohtâseijee Kela torjuid. Korttâ lii nuuvtá, já tot postâduvvoo pááikán.

Puávtáh tiiláđ Kela-koortâ palvâlemnumerist 020 692 204.

Eurooplâš pyecceetipšokorttâ

Jis tun mađhâšah eres Euroop enâmijn, te tust lii pyeri leđe fáárust eurooplâš pyecceetipšokorttâ.

Puávtáh tiiláđ eurooplii pyecceetipšokoortâ viermist tâi suáittiđ palvâlemnumerân 020 692 204.

Korttâ lii nuuvtá. Tot vuolgâttuvvoo pááikán.

Jis tun puáccááh kivkked, te čääiti koortâ já persovntuođâštus olgoenâmijn tipšosaajeest. Korttâ tohhee EU-enâmijn, Eta-riijkâin, Sveitsist já Stuorrâ-Britanniast. Ovdil määđhi kannat väldiđ čielgâsin, ete maht mon-uv enâmist kalga toimâđ, jis puáccáá.

Luuvâ lase eurooplii pyecceetipšokoortâ kevttimist olgoenâmijn (suomâkielân).

Jis tust ij lah fáárust eurooplâš pyecceetipšokorttâ, te tun puávtáh uuccâđ sajanmáávsuid maŋeláá Kelast.

Toos lasseen táhádâsfinnoduvah vyebdih mätkitáhádâsâid, moh sajanmäksih tipšokoloid.

Luuvâ lase