Puoccâmpeiviruttâ, vajoidittem vâi iäláttâh?

Jis puácuvuotâ pištá kuhháá, puávtáh uuccâđ torjuu vajoidittem várás.

Ko tun lah uážžum puoccâmpeiviruuđâ 60 argâpeivid, te Kela čielgâd, ete puávtáččij-uv vajoidittem išediđ tuu puácuvuođâ. Jis tun lah uážžum puoccâmpeiviruuđâ 150 argâpeivid ađai masa 6 mánuppaje, te tun uážuh Kelast reeivâ, mast muštâleh vajoiditmist.

Jis tuu mielâst oro, ete tun tarbâšah vajoidittem, savâstâl ääšist tuáhtárijnâd tâi vááldi ohtâvuođâ Kelain.

Pargonavcâttesvuotâiäláttâh

Puoccâmpeiviruttâ máksoo táválávt enâmustáá 300 argâpeivid. Jis tuu puácuvuođâst tâi váádust šaddee pargonavcâttesvuotâ juátkoo jiehke tun pyevti uážžuđ puoccâmpeiviruuđâ, te tun puávtáh uuccâđ pargonavcâttesvuotâiäláttuv. Tom puáhtá mäksiđ pargoiäláttâhlájádâs, Kela tâi kuohtuuh.

Kela máksá pargonavcâttesvuotâiäláttuv, jis tun jieh lah lamaš pargoelimist tâi jis tun jieh uážu tuárvi iäláttuv pargoiäláttâhlájádâsâst.

Pargonavcâttesvuotâiäláttuv uážžumân vaaigut

  • maggaar puácuvuotâ tâi váddu tust lii
  • mon puáris tun lah
  • maid pargoid tun lah porgâm
  • maggaar škovliittâs tust lii.

Jis tun jieh paste maccâđ paargon jiehke uážu iäláttuv, te almottât pargo- já iäláttâstoimâttâhân ađai PI-toimâttâhân pargottes pargo-occen. Almottât majemustáá čuávuváá peeivi puoccâmpeiviruuđâ nuhâmist. Návt tun puávtáh uážžuđ pargottesääigi peiviruuđâ, ko tun vuárdáh miärádâs tuu pargonavcâttesvuotâiäláttuvâst.

Jis tun lah pargotteskasa jeessân, te uusâ tiänáspeiviruuđâ tuu jieijâd pargotteskassaast.