Reâuggmarkkântuärjjõs

Jõs jiõk vueiʹt vuäǯǯad tiânâspeiʹvvtieʹǧǧ leʹbe vuâđđpeiʹvvtieʹǧǧ, tuʹnne vueiʹtet mäʹhssed reâuggmarkkântuärjjõõzz. Tõn vuäitt vuäǯǯad 17–64-ekksaž reâuǥteʹmes reâuggoocci, kååʹtt jäälast põõššjen Lääʹddjânnmest. Reâuggmarkkântuärjjõõzz äiʹǧǧ ij leäkku rääʹjtum.

Vuäǯǯak reâuggmarkkântuärjjõõzz, håʹt jiõk tieuʹd reâuǥaståårram-määin leʹbe jiõk leäkku leämmaž reâuǥast taarbšum ääiʹj. Vuäǯǯak reâuggmarkkântuärjjõõzz še teʹl, ko leäk vuäǯǯam tiânâspeiʹvvtieʹǧǧ leʹbe vuâđđpeiʹvvtieʹǧǧ 400 peiʹvved.

Reâuggmarkkântuärjjõõzz jeät mahssu ålggjânnmid.

Reâuggmarkkântuärjjõõzz vuäǯǯma lie rääʹjtõõzz , jõs leäk vuâlla 25-ekksaž leʹbe tuʹst ij leäkku ämmtallaš škooultõs. Tääʹrǩest TJ-konttrest, vuäitak-a vuäǯǯad reâuggmarkkântuärjjõõzz.

Mâʹmmet reâuggmarkkântuärjjõõzz vuäǯǯ?

Reâuggmarkkântuärjjõs lij 33,78 euʹrred peeiʹvest. Reâuggmarkkântuärjjõs lij âʹtte seämma šoora ko vuâđđpeiʹvvteäʹǧǧ. Tuärjjõõzz šorradvuõʹtte vaaikte kuuitâǥ måtmešt puärrsi puåtti.

Reâuggmarkkântuärjjõõzz määuʹset 5 peeiʹvest neäʹttlest. Tuärjjõʹsse lââʹzztet pââjõõzz, jõs tuʹst lie päärna. Tiudd reâuggmarkkântuärjjõs lij nuʹtt 726–942 e/mp.

Reâuggmarkkântuärjjõʹsse vueiʹtet mäʹhssed pââjõsvueʹzz. Tõn määuʹset TJ-konttrin suåppum toiʹmmjummuž ääiʹj, kuuitâǥ jäänmõsân 200 peeiʹvest. Pââjõsvueʹss lij 4,80 euʹrred peeiʹvest.

Reâuggmarkkântuärjjõõzzâst määuʹset piiđid.

Looǥǥ lââʹzz reâuggmarkkântuärjjõõzz ooccmest (lääddas).

Jeeʹres puåtti ǩieʹppee tuärjjõõzz

Puk jiijjad puåtti ǩieʹppee reâuggmarkkântuärjjõõzz meäʹr. Jõs tuʹst lie kapitaalpuåtti, tõk še vuäiʹtte ǩieʹppeed tuärjjõõzz meäʹr.

Kapitaalpuåtti lie ouddmiârkkân vuåkrrpuåđ, vueiʹttemvuässõs da kaaupšemvuäitt.

Jiijjad kapitaalpuåtti jie kuuitâǥ vaaikât reâuggmarkkântuärjjõʹsse

  • jõs leäk teâuddam 55 eeʹǩǩed da leäk teâuddam reâuǥaståårram-määin ouddâl ko paʹcciǩ reâuǥteʹmmen
  • jõs vuässõõđak TJ-konttrin suåppum toiʹmmjummša.

Puärrsi puåtti ǩieʹppee tuärjjõõzz, jõs jälstak suännain. Vuäǯǯak kuuitâǥ pâi uuʹccmõsân peäʹl reâuggmarkkântuärjjõõzzstad. Puärrsi puåtti jie vaaikât, jõs vuässõõđak TJ-konttrin suåppum toiʹmmjummša.

Vuäitak ärvvtõõllâd Kela neʹttseeidai laʹsǩǩeem-mašina veäkka, mâʹmmet vuäǯǯak reâuggmarkkântuärjjõõzz (lääddas).