Kela rabasáiggit juovllaid ja ođđajage áigge

Juovlabasiid ja ođđajagebeaivve Kela bálvalanbáikkit ja telefonbálvalus leat gitta. Juovllat áradit bargguhisvuođa áigge almmuhan- ja máksinbeivviid. Áigáiboahtindoarjja geargá kontui ovdal juovllaid, juos ohcamuš ja dárbbašlaš čuvvosat leat doaimmahuvvon maŋimustá 10.12.

Jagi vuosttas vahkut leat Kelas máŋgii hohpolaččat nu, ahte álgojagi guoski Kela-áššiid gánneha dikšut ortnegii áiggil.

Kela telefonbálvalus lea rabas árgan dmu 9–16. Ođđajageruohttan telefonbálvalus lea rabas dmu 9–13, muhto áigáiboahtindoarjaga bálvalannummirii sáhttá hohpolaš dáhpáhusain riŋget dmu 16 rádjai. Davvisámegielat telefonbálvalus lea rabas árgan dmu 13–15.

Kela bálvalanbáikkiid rabasáiggiin sáhttet leat nuppástusat juovllaid ja ođđajage gaskkas ja ođđajage maŋŋá. Ođđajageruohttan eanaš oassi bálvalanbáikkiin manná gitta dmu 13. Hohpolaš áigáiboahtindoarjaga dihtii gohcci bálvalanbáikkit mannet ođđajageruohttan gitta dmu 16. Rabasáiggiid gánneha dárkkistit kela.fis (suomagillii).

Kela telefonbálvalus ja bálvalanbáikkit leat gitta

  • juovlaruohttan 24.12.
  • juovlabeaivve 25.12.
  • nuppi juovlabeaivve 26.12.
  • ođđajagebeaivve 1.1.

Almmut bargguhisvuođabeivviid áiggil

Juovllat áradit bargguhisvuođaáigge almmuhan- ja máksinbeivviid. Spiehkastagaid birra muitaluvvo maiddái áššiiddikšunbálvalusas ja almmuhanskovis.

Go bargguhisvuođaáigge almmuhusa áigodat nohká

  • 21.–22.12.2020, almmuhusa sáhttá máhcahit 21.12.2020. Ruđat leat konttus áramustá 23.12.2020.
  • 23.12.2020, almmuhusa sáhttá máhcahit 22.12.2020. Ruđat leat konttus áramustá 28.12.2020.
  • 24.12.2020, almmuhusa sáhttá máhcahit 23.12.2020. Ruđat leat konttus áramustá   29.12.2020.

Almmuhusa gánneha doaimmahit áššiiddikšunbálvalusa bokta juo máhcahanbeaivve iđida, vuoi dan geargá gieđahallat nu jođánit go vejolaš.

Juos dárbbašat áigáiboahtindoarjaga hohpolaččat

Juovlamánus áigáiboahtindoarjaga maŋimuš máksinbeaivi ovdal juovllaid lea 23.12. Doarjja geargá dalle kontui, juos ohcamuš ja dárbbašlaš čuvvosat leat doaimmahuvvon Kelai maŋimustá 10.12.

Juos áššehas dárbbaša áigáiboahtindoarjaga hohpolaččat, son galgá váldit oktavuođa Kela bálvalannummirii 020 692 207 dahje bálvalanbáikái. Hohpolaš dáhpáhus sáhttá leat ovdamearkan akuhta dárbu máksočatnašupmái dálkasiid dahje borramušgálvvuid várás.

Juos áššehas dárbbaša áigáiboahtindoarjaga hohpolaččat Kela rabasáiggiid olggobealde, gielda sáhttá vihkkedallama mielde mieđihit eastadeaddji áigáiboahtindoarjja. Akuhta kriisadiliin juovlabasiid áigge áššehas sáhttá leat oktavuođas ássangieldda sosiálagohcimii.

Ođđajageruohttan áigáiboahtindoarjaga bálvalannummir veahkeha hohpolaš diliin dmu 16 rádjai, vaikke eará bálvalannummirat mannet gitta dmu 13. Hohpolaš áigáiboahtindoarjaga oktavuođas gohcci bálvalanbáikkiid sáhttá dárkkistit kela.fis (suomagillii).

Sávvat min áššehasaide ráfálaš juovllaid ja lihkolaš ođđa jagi 2021!

Loga lasi