Kela säuʹrsmâʹttemkuurs sääʹmǩiõllsaid eeʹjj 2021

Kela jääʹrjast säuʹrsmâʹttemkuursid jeeʹrab še sääʹmǩiõllsaid. Säuʹrsmâʹttemkuursin vuäǯǯak teâđ tuu puõʒlmest da tuärjjõõzz aarǥ tååimain spraavdõõttmõʹšše.

Kela jääʹrjast juõʹǩǩ eeʹjj muäʹdd vuõrâsoummi säuʹrsmâʹttemkuurs, kook lie jurddum sääʹmǩiõllsaid. Eeʹjj 2021 jääʹrjstet puärsmam määŋgpuõclvaid jurddum IKKU-kuurs. Eeʹjj 2021 jääʹrjstet še TULES-kuursid nuʹtt oummid, kook lie reâuggjieʹllmest meädda, ko še oummid, kook lie reâuǥast leʹbe mäʹccmen riõuggu. 

  • IKKU-kuurs lie jurddum oummid, kook lie teâuddam 68 eeʹǩǩed da kook lie meädda reâuggjieʹllmest di koin lie määŋg toiʹmmjempâstlvažvuõđ huânnʼneei puõʒʒâlm.
    • Sääʹmǩiõllsai IKKU-kurss älgg 22.2.2021.
  • TULES-kuurs lie jurddum oummid, koin lie tuärjj- da liikkeemorgaanpuõʒʒâlm.
    • Vuõssmõs sääʹmǩiõllsai TULES-kurss älgg 15.3.2021. Tät kurss lij jurddum oummid, kook lie meädda reâuggjieʹllmest.
    • Nuʹbb TULES-kurss älgg 3.5.2021. Tät kurss lij jurddum oummid, kook lie reâuggjieʹllmest, kook mäʹcce reâuggjieʹllma, koin lij säuʹrsmâʹttemtuärjjõs leʹbe kook lie mättʼtõõtti.

Säuʹrsmâʹttem- da šiõttlõõvvâmvalmštemkuurs vieʹǩǩte säuʹrsmeei da suu piârri šiõttlõõvvâd puõʒʒâlm leʹbe vââʹjj mieʹldes puʹhttem muttsid leʹbe säuʹrsmed tõʹst. Kuursin vuäǯǯak teâđ tuu puõʒlmest, verddsõstuärj di tuärj aarǥ tuåimid di tõin piʹrǧǧummša.

Kuursid ââʹnet lääddas da tuʹlǩǩeet vuässõõttji taarbi mieʹldd säämas. Pukid sääʹmǩiõllsaid jurddum säuʹrsmâʹttemkuursid jäʹrjstet Lapin Kuntoutus -põrggsest Ruäʹvnjaarǥâst. Vuäitak ooccâd sääʹmǩiõllsai säuʹrsmâʹttemkuursid tuu jälstempääiʹǩest huõlǩani. Säuʹrsmâttmõš lij vuässõõttja määustem. Tääʹrǩab teâđaid kuursi siiskõõzzâst da äiʹǧǧtaaulin kaaunak Kela säuʹrsmâʹttemkurssooccâm veäkka (lääddas). Vuäitak ooccâd sääʹmǩiõllsaž kuursid vaʹlljeeʹl kuurs ǩiõllân sääʹmǩiõl.

Nääiʹt ooʒʒak kuʹrsse

  • Vääʹld õhttvuõđ tuu håiddai dåhttra. Ärvvtõõllâd õõutsââʹjest, leʹčči-a säuʹrsmâttmõõžžâst veäʹǩǩ tuʹnne.
  • Taarbšak säuʹrsmâʹttemooccmõõžž meâlddõssân dåhttarceâlkalm. Dåhttarceâlklmest âlgg seʹlvvned jm.
    • tuõttum puõʒʒâlm
    • mõõn diõtt säuʹrsmâttmõõžžâst leʹčči tuʹnne veäʹǩǩ.
  • Ko leäk vuäǯǯam dåhttarceâlkalm, tiuddâd säuʹrsmâʹttemooccmõõžž Harkinnanvarainen kuntoutus KU132 (pdf, lääddas) da tuåimât tõn Kelaaʹje dåhttarceâlklmin.
  • Ooʒʒ säuʹrsmâʹttma ääiʹjpeäʹlnn, miõlstes mââimõssân nuʹtt 6 neäʹttel ouddâl säuʹrsmâttmõõžž äʹlǧǧem.

Mäʹtǩǩ-koʹrvvõõzz säuʹrsmâʹttem-maaʹtǩin

Kela koʹrvvad säuʹrsmâʹttem diõtt jottum maaʹtǩid. Vuäitak vuäǯǯad koʹrvvõõzz še takssmääʹtǩest, jõs jooudak ââʹnned taaks tiõrvâsvuõttvuâǥǥad leʹbe hueʹnes joottlõkõhttvuõđi diõtt. Koronaviruuzz šõõddtem vueʹjj diõtt Kela-taaks õõʹnni äʹššniiʹǩǩi takssmaaʹtǩid jeät čoʹrstemnalla õhttõllu. Jeeʹres saaʹnivuiʹm seämma sattu jie puäʹđ jeeʹres äʹššneeʹǩǩ.

Sääʹmvuuʹdest jälsteei sääʹmǩiõllsaž oummin lij sääʹm ǩiõll-lääʹjj nuäjain vuõiggâdvuõtt ââʹnned jiijjâsǩiõllsaž Kela-taaks še säuʹrsmâʹttem-maaʹtǩin, jõs sij tiõrvâsvuõttvueʹǩǩ leʹbe hueʹnes joottlõkõhttvuõđ õõlǥte tõn.

Looǥǥ lââʹzz