Sääʹmǩiõllsai põõšši taaks âânnmõš

Kela koʹrvvad tiõrvâsvuõđhuõʹlle tuejjuum maaʹtǩid, jõs mäʹtǩǩ lij tuejjuum puõccmõõžž, vueʹrddempââʹj leʹbe päʹrnnpuhttmõõžž diõtt. Takainalla mäʹtǩǩ koʹrvveet vuõkksõs maatkšemnääʹl mieʹldd. Vuäitak vuäǯǯad koʹrvvõõzz takssauttmääʹtǩest, jõs jiõk vueiʹt jiijjad tõn poddsa tiõrvâsvuõđ diõtt ââʹnned õlmmsaid jååʹttemneävvaid leʹbe jõs õlmmsa jååʹttemneävv jeäʹla ââʹnnemnalla.

Sääʹmvuuʹdest jälsteei sääʹmǩiõllsaž äʹššneeʹǩǩest lij sääʹm ǩiõll-läkka vuâđđõõleeʹl vuõiggâdvuõtt ââʹnned še sääʹmǩiõllsaž Kela-takssauttšeeʹǩǩ.

Nääiʹt tiʹllʼjak Kela koʹrvveem taaks

  1. Tiʹlle takssaaut nââmrest 0800 414 610 (Taksi Helsinki Oy) leʹbe 0800 051 54 (Suomen Lähilogistiikka Oy). Tiʹllʼjõs-teʹlfonsaakk lij määustem.
    Vuäitak tiʹllʼjed takssaaut še vuõiʹǧǧest  sääʹmǩiõllsaž auttšeeʹǩǩest. Vuäitak vuäǯǯad koʹrvvõõzz pâi täin nââmrin leʹbe sääʹmǩiõllsaž auttšeeʹǩǩest tiʹllʼjum määʹtǩest.
    • Tiʹlle takssaaut mââimõõzzâst määʹtǩ õõuʹdab peeiʹv čiâss 14 mõõneeʹst.
    • Tiʹlle takssaaut täʹst nââmrest še tâʹl, ǥu taarbšak takssaaut krõõtai.
    • Vuäitak tiʹllʼjed seämma vuâra puõʹtti 2 neäʹttel äigga puk teâđast åårrai mõõnnâm- da mäʹccem-maaʹtǩid.
    • Tiʹlle mäʹccem-mäʹtǩǩ uuʹccmõsân 1 čiâss ouddâl vueʹlǧǧemääiʹj, jõs mäʹccem-määʹtǩ ääiʹjpoodd teâđak.
  2. Iʹlmmet teʹlfonsaaǥǥ õhttvuõđâst
    • nõmmâd da persontiõđ
    • addrõõzz, koʹst autt veǯǯ tuu
    • määʹtǩ mieʹrrpääiʹǩ (õuddm. puõccipõrtt)
    • čiâssääiʹj, kuäʹss ton õõlǥak leeʹd kuåsttuum håiddpääiʹǩest
    • puäʹtte-a tuu mieʹldd veäʹǩǩneävv leʹbe saʹtti
    • teʹlfon-nââmar, koʹst tuu vuäǯǯ ǩidd.
  3. Vuäǯǯak teâđ aaut ärvvtõllum pueʹttemääiʹjest.
    Vuäǯǯak haaʹleen še teʹksttsaaǥǥin teâđ, ǥu auttšeǩ lij priimmâm tillʼjõõzz da lij pueʹttmen viǯǯâd tuu.
  4. Iʹlmmet muttsin.
    Jos tiʹllʼjem takssauttmääʹtǩest šâʹdde muttâz, iʹlmmet tõin tâʹlles tiʹllʼjemnââmra. Mââimõõzzâst muttsin âlgg iʹlmmted 2 čiâss ouddâl suåppum vueʹlǧǧemääiʹj.
  5. Čuäʹjet auttšekka Kela-korttad leʹbe identiteʹtt-tuõđštõõzzad.
    Määusak takssmäʹtǩstad jäänmõssân 25 eeuʹr jiõččvaʹsttõõzz.
  6. Raauk Tuõđštõs mäʹtǩǩ-koʹrvvõõzz vääras (SV 67).
    • Jõs taarbšak takssaaut tiõrvâsvuõđad diõtt, raauk tõʹst tuõđštõs
      tiõrvâsvuõđhuâlast (Todistus matkakorvausta varten, SV 67).
      • Seiʹlled ǩeârddmääʹtǩ vääras ǩeeʹrjtum tuõđštõõzz jijstad 6 määnpââʹj ääiʹj mäʹtǩǩpeeiʹvest. Kela vuäitt raukkâd tõn mâʹŋŋlubust.
      • Tåimmad kuʹǩesäiggsaž takssaaut âânnmõʹšše vuõiggâdvuõđ uʹvddi tuõđštõs Kelaaʹje.
    • Jõs tiõrvâsvuõđhuâl eeʹttǩeei tiʹllai mäʹccem-määʹtǩad tuu peäʹlest, jiõk taarbâž pååđtuõđštõõzz.
    • Vuäitak raukkâd še tiõrvâsvuõđhuâl eeʹttǩeei vaʹrrjed tuʹnne sääʹmǩiõllsaž takssaaut.

Looǥǥ lââʹzz