Sajanmáávsuh maađhijn

Kela sajanmáksá määđhi koloid almos tâi priivaat tiervâsvuotâhuolâttâsân, jis tun moonah tiipšon puácuvuođâ, äpittesvuođâ tâi šoddâdem keežild. Määđhih sajanmáksojeh táválávt aldemuu tipšosajan já hälbimus mađhâšemvyevi mield.

Kela sajanmáksá vajoiditmân rahtum maađhijd, jis vajoidittem vuáđuduvá Kela tâi almos
tiervâsvuotâhuolâttâs adelem vajoidittemmiärádâsân.

Jis fáárust kalga leđe läiđejeijee tâi perruujeessân, te tun puávtáh uuccâđ sajanmáávsu meid sii mätkikoloin.

Kela ij sajanmäävsi talkkâsij sierâ viežžâmmääđhi apteekân.

Taksimääđhih

Jis tuu tiervâsvuotâtile tâi vááijuvliih jotolâhtileh väätih taaksi kevttim, te tun puávtáh uážžuđ tast sajanmáávsu. Jis tun kiävtáh taksi jieijâd tiervâsvuotâtile tiet, tust kalga leđe tipšomlájádâs adelem Tuođâštus taaksi tarbâšlâšvuođâst (Todistus matkakorvausta varten SV 67).

Jyehi eennâmkoddeest láá 2 tiilámnumereh, moin puáhtá tiilááđ taaksi. Tun puávtáh jieš valjiđ, ete kuábbáá numerist tun tiilááh Kela-taaksi.

Tun kaavnah kuávlulijd tiilámnumerijd Kela siijdoin (suomâkielân).

Luuvâ lase taksimaađhijn (suomâkielân).

Sämikielâlij fastâtaksivuoigâdvuotâ

Sämikielâlâš äššigâs puáhtá tiiláđ Kela-sáátu njuolgist sämikielâlii vyeijest. Ko tiilááh taksi tiilámnumerist, tun uážuh mätkisajanmáávsu tállân taaksist. Jis tun tiilááh taksi eres saajeest, te Kela ij sajanmäävsi tuu määđhi.

Luuvâ lase sämikielâlij fastâtaksivuoigâdvuođâst.

Tun puávtáh čuávvuđ tunjin ive ääigi šoddâm mätkikoloid viermist (suomâkielân).

Maađhij jiešvástádâs

Maađhij jiešvástádâs lii 25 eurod määđhist oovtâ suundán. Jis tuu mätki máksá paijeel 25 eurod, Kela sajanmáksá tunjin sume, mii mana 25 euro paijeel.

Ihejiešvástádâs ađai mätkikáttu lii 300 eurod ivveest. Jis tun lah máksám maađhijn kalenderive ääigi jieš paijeel taam, Kela sajanmáksá loppâive ääigi mätkikoloid ollásávt.

Jis tun mađhâšah taksijn, te tun jieh taarbâš uuccâđ sajanmáávsu vuálá 25 eurod máksám maađhijn. Kela rekinist taid mield ihejiešvástádâsân, jis lah tiilám taksi tuu eennâmkode tiilámnumerist.

Jis mađhâšah eres ko taksijn, uusâ sajanmáávsu kuittâg meid vuálá 25 eurod máksám maađhijn. Talle Kela rekinist taid mield ihejiešvástádâsân.

Sajanmáksu ijâstâlmist

Jis tun koolgah ovdâmerkkân jotolâhohtâvuođâi tiet ijâstâllâđ tipšo- tâi vajoidittemsaajeest, te tun puávtáh uážžuđ ijâstâllâmruuđâ. Tot lii enâmustáá 20,18 eurod pirrâmpeeivist.

Luuvâ lase