Skuvlen ja hárjehallan

Bargguheapmin dus lea vejolašvuohta ohcalit skuvlemii dahje hárjehallamii. Ná buoridat vejolašvuođaid oažžut barggu.

Sáhtát oažžut doarjaga maiddái skuvlema ja hárjehallama áiggis.

Barggolašvuođa buorideaddji bálvalusat leat

  • stuđeren
  • bargofápmoskuvlejupmi
  • bargoohcanhárjeheapmi
  • karriera hárjeheapmi
  • bargoiskkadallan
  • skuvleniskkadallan
  • veajuiduhtti bargodoaibma.

Jeara lasi barggolašvuođa buorideaddji bálvalusaid birra BE-doaimmahagas (suoma- ja osiin maiddái sámegillii).

Soaba oassálastimis skuvlemii dahje hárjehallamii ja daga bargguiduhttinplána ovttas BE-doaimmahagain.

Oaččut skuvlema dahje hárjehallama áiggis doarjaga nugo dábálaččat, juos leat soahpan oassálastimis BE-doaimmahagain. BE-doaimmahagain sohppojuvvon skuvlema dahje hárjehallama áiggis sáhtát oažžut doarjagii maiddái bajádusa. Bajádusa sáhttá oažžut eanemustá 200 beaivvis.

Muhtun dáhpáhusain sáhtát oažžut buhtadusa mátkegoluin ja eará goluin dan áigodagas, go oassálasttát skuvlemii dahje eará doaimmaide.