Tules-kuurs

Tules-säursmâttmõš oouʹdad tuärjj- da liikkeemorgaanpuõʒlmid puâccjam oummu šiõǥǥ piʹrǧǧummuž arggpeeiʹv vuõʹjjin. Vuäitak ooʒʒõõttâd Kela säursmâʹttemkuʹrsse tõn mâŋŋa, ko tuärjj- da liikkeemorgaanoudldõõzz lie pešttam pâʹjjel 3 määnpââʹj.

Šuurmõs vueʹss kuursi toiʹmmjummšest šâdd jooukin da kuurs programm meäʹrtââvv vuässõõttji jiijjâz da joouk õhttsaž täävtõõzzi mieʹldd. Kurssprograamm tiuddeet taarb mieʹldd oummu meâldlaž ohjjummšin.

Tules-kurss da Tules-äävkurss

Tules-kuursid jäʹrjstet nuʹtt stroiʹttlest (Tules-kurss) ko še ääv-vuässõõttâmkurssân (Tules-äävkurss). Strooiʹtelkuursâst instak säursmâʹttempääiʹǩest da ääv-vuässõõttâmkuʹrsse vuäitak jååʹtted dååma.

Kuurs suäʹppe tuʹnne, jõs

  • tuʹst lij čiõʹljpuõʒʒâlm, njiʹšǩǩmaddi, aʹrddi leʹbe pâʹjjruõid tuärjj- da liikkeemorgaanpuõʒʒâlm leʹbe vueʹllruõid jõnn lõđđsi (puõlvv, noorâs, ǩizldõk) puõʒʒâlm
  • tuärjj- da liikkeemorgaanoudldõõzz lie pešttam pâʹjjel 3 määnpââʹj
  • tuʹnne lie tuejjuum tiõrvâsvuõtthuâlast taarbliʹžžen ǩiõččum tuʹtǩǩummuž
  • taarbšak määŋgämmtallaš, aktivõʹstti joukksäursmâttmõõžž da tåimmsallaš harjjtõõllmõõžž da pââstak äukkjõõvvâd jooukâst tåimmʼmõõžžâst
  • reâugg-, mättʼtõõttâm- leʹbe toiʹmmjempâstlvažvuõttad lij huânnʼnam
  • tuʹst lij motivaatio reâugg-, mättʼtõõttâm- leʹbe toiʹmmjempâstlvažvuõđ pueʹrummša di jieʹllemnääʹllmuttsa.

Kuursi täävtõssân lie

  • lââʹzzted viõkkvääraid puõʒlmin jeällmõʹšše
  • tuärjjeed reâuǥast da aarǥâst piʹrǧǧummuž
  • raʹvvjet jieʹllemvaaldšummuž
  • uʹvdded teâđ jiõččhååid tuärjjan
  • uʹvdded verddsõstuärj.

Tules-kurss

Tules-kuursid jäʹrjstet 9 määnpââʹj ääiʹj.  Kuursâst lie 3 säursmâʹttemvueʹzz, kook peʹštte 5 suutk.  Kuʹrsse vuäitt vuässõõttâd nuʹtt, što jååđak toʹben, a jälstak dååma.

Tules-kuurs täin jooukin:

  • Äʹššneeʹǩǩ, kook lie mieʹldd reâuggjieʹllmest da koin lie
    • njiʹšǩǩmaadd-aʹrddioudldõõzz
    • oummu, koin lie čiõʹljoudldõõzz
    • oummu, koin lij vueʹllruõid tule-puõʒʒâlm.
    • Oummid, kook lie reâuggjieʹllmest, jäʹrjstet kuursid täin jooukin: 
      • äʹššneeʹǩǩ, koin lie njiʹšǩǩmaadd- da aʹrddioudldõõzz
      • äʹššneeʹǩǩ, koin lie čiõʹljoudldõõzz
      • äʹššneeʹǩǩ, koin lij vueʹllruõid tuärjj- da liikkeemorgaanpuõʒʒâlm.
  • Oummid, kook lie meädda reâuggjieʹllmest, jäʹrjstet kuursid täin jooukin:
    • vuâlla 68-ekksaž äʹššneeʹǩǩ (puk puõʒʒâlmjoouk seämma kuursâst)
    • pâʹjjel 68-ekksaž äʹššneeʹǩǩ (puk puõʒʒâlmjoouk seämma kuursâst).

Tules-äävkurss

Tules-äävkuurs jäʹrjstet 9 määnpââʹj ääiʹj. Kurss âânn seʹst 10 äävsäursmâʹttempeeiʹv jooukâst.

Kuurs jäʹrjstet nääiʹt:

  • altteemvueʹss: 3 äävsäursmâʹttempeeiʹv ǩeäččlõs peeiʹvi
  • 5 äävsäursmâʹttempeeiʹv õõuti mieʹldd nuʹtt 4 neäʹttel kõõski
  • loopptõsvueʹss: 2 äävsäursmâʹttempeeiʹv ǩeäččlõs peeiʹvi.

Tules-äävkuursid jäʹrjstet täin jooukin:

  • oummu, kook lie reâuggjieʹllmest (puk puõʒʒâlmjoouk seämma kuursâst)
  • oummu, kook lie meädda reâuggjieʹllmest (puk puõʒʒâlmjoouk seämma kuursâst).

Säursmâttmõõžž ooccâm

Säursmâttmõõžž ooccâm vääras taarbšak dåhttrest B-dåhttarciâlkâlm, koon ǩeeʹrjtummšest lij mõõnnâm jäänmõsân eeʹjj äiʹǧǧ. Tååimat säursmâʹttemooccmõõžž (KU 132) da dåhttarciâlkâlm Kelaaʹje. Säursmâʹttemooccmõõžž vuäǯǯak neeʹttest

Säursmâttmõš lij määustem, da tõõzz vuäitt ooccâd pirreeʹjj. Tuʹst vuäitt leeʹd säursmâttmõõžžad leʹbe päärnžad säursmâttmõõžž ääiʹjest vuõiggâdvuõtt säursmâʹttemteägga. Kela koʹrvvad še säursmâttmõõžžâst šõddâm mäʹtǩǩ-koolaid.

Looǥǥ lââʹzz