Kii puáhtá uážžuđ Kela torjuid?

Puávtáh táválávt uážžuđ Kela torjuid, jis aasah Suomâst pisovávt tâi poorgah Suomâst tienuuvt, ete pälkki lii ucemustáá suulân 724 e/mp.

Spiekâstâs lii, jis aasah Suomâst mutâ poorgah nube Euroop union staatâst.  Talle jieh táválávt uážu Kela torjuid.

Ko tun varriih Suomân aassâđ, te torjui uážžumân vaaikut tot, ete varriih-uv Suomân

  • monnii Tave-enâmist
  • monnii Euroop union (EU) tâi Euroop ekonomiakuávlu (Eta) staatâst tâi Sveitsist
  • staatâst, moin Suomâst lii sosiaaltorvosopâmuš.

EU-staatah láá

  • Suomâ
  • Vyelienâmeh
  • Belgia
  • Bulgaria
  • Espanja
  • Irlanti
  • Italia
  • Nuorttâriijkâ
  • Kreikka
  • Kroatia
  • Kypros
  • Latvia
  • Liettua
  • Luxemburg
  • Malta
  • Portugali
  • Puola
  • Ranska
  • Romania
  • Ruotâ
  • Saksa
  • Slovakia
  • Slovenia
  • Tanska
  • Tšekki
  • Unkari
  • Viro

Stuorrâ-Britannia ij lah EU-staata 1.2.2020 rääjist. Luuvâ lase táán fáádást (suomâkielân).

Eta-staatah láá

  • Euroop union staatah
  • Island
  • Liechtenstein
  • Taažâ.

Staatah moin Suomâst lii sosiaaltorvosopâmuš láá

  •  Australia
  • Chile
  • India
  • Israel
  • Kanada (já Quebec)
  • Kiina
  • Maadâ-Korea
  • Ovtâstumstaatah
  • Tave-enâmeh. 

Torjuu finniimân vaaikut toos lasseen tot, ete varriih-uv Suomân

  • pargen tâi irâtteijen
  • uáppen
  • perruujesânin
  • vuolgâttum pargen.

Jis tust lii vuoigâdvuotâ Kela hoittám puácuvuotâtáhádâsân, tun finniih Kela-koortâ.

Mii lii pisovâš aassâm?

Tun aasah Suomâst pisovávt, jis tust lii tääbbin pisovâš aassâmviste já päikki já jis tun oroh ucemustáá pele tuu ääigist tääbbin.

Ko tun varriih Suomân, te Kela árvuštâl, ete mon pisovávt tun aasah Suomâst. Árvuštâlmist váldoo huámmášumán tuu olestile. Olestilán vaikutteh ovdâmerkkân čuávuvááh ääših:

  • Maacah-uv tun olgoenâmijn maasâd Suomân aassâđ?
  • Lii-uv tust pargosopâmuš tyejeest, mii pargoo Suomâst?
  • Lah-uv näimilittoost tâi eres aldasii peerâkoskâvuođâst ulmuin, kote áásá Suomâst pisovávt?

Jis tun varriih Suomân koskâpuddâsávt, te tust ij lah táválávt vuoigâdvuotâ Kela torjuid. Ovdâmerkkân torvosajeoccest ij lah vuoigâdvuotâ Kela torjuid.