Keesi puáhtá nubástusâid Kela palvâlemsoojij ávusorroomaigijd Laapist

Laapist palvâlemsajeh láá keessiv iänááš táválávt ávus, mutâ motomij palvâlemsoojij ávusorroomääigih muttojeh kesiääigi tiet. Kesiääigi-uv Kela-aašijd kannat hoittáđ viermist já puhelimist. Puhelinpalvâlus lii meid kesiääigi ávus táválávt.

Kesiääigi iänááš uási Kela palvâlemsoojijn Laapist láá ávus táválávt. Ovdâmerkkân Kiemâ já Ruávinjaargâ palvâlemsajeh láá ávus 3-4 eehidpeeivi ohhoost. Uási palvâlemsoojijn láá kesiääigi-uv ávus ääigiväridem peht. Kuittâg uási palvâlemsoojijn, tego Kolari, Salla já Pello láá keessiv uásild steŋgejum. Palvâlemsaje ávusorroom kannat tärhistiđ kela.fist.

Koronaepidemia tiet kannat keessiv-uv velttiđ eellim palvâlemsaajeest, jis tot lii máhđulâš.

Palvâlemsoojijn eellim ulmui meeri lii kiäppánâm merhâšitteht

Kela palvâlemsoojijn eelij ive 2020 merhâšitteht ucceeb meeri äššigâsâid ko oovdeb ive. Laapist lijjii suulân 58 % ucceeb meeri äššigâselimeh ko oovdeb ive. 

Laapist ulmuuh tohhii moonnâm ive suulân 70 % ucâmušâin viermist. Äššigâsah soittii suulân 59 000 suáittud, mii lii suulân 9 % eenâb ko ive 2019. Meid puhelinääigiväärridmij meeri lasanij.

Kela toohâm koijâdâlmijn äššigâsah láá kijttám palvâlem, mon láá finnim puhelimist.

Iänááš Kela-aašijn puáhtá hoittáđ viermist já puhelimist

Kesiääigi-uv Kela-aašijd kannat hoittáđ OmaKelast tâi suáittimáin puhelinpalvâlusân. OmaKelast puáhtá hoittáđ iänááš aašijd: uuccâđ hiäđuid, tärhistiđ miärádâs já uáiniđ, ete kuás hiätu máksoo. OmaKelast puáhtá meid vuolgâttiđ viestâid Kelan.

Kela puhelinpalvâlem lii keessiv-uv ávus vuossaargâst vástuppiäiván tme 9–16. Puhelimist puáhtá hoittáđ puoh siämmáid persovnlijd aašijd ko palvâlemsaajeest. Puhelinpalvâlusân puáhtá meid väridiđ ääigi viermist tâi suáittimáin. Ko Kela pargee suáittá, te suáittu ij määvsi äššigâsân maiden. Jis puhelinpalvâlusâst huámmášeh, ete eellim palvâlemsaajeest lii velttidmettum, te Kela pargee puáhtá väridiđ äššigâsân ääigi palvâlemsajan.

Sämikielâliih palvâlusah

Kela tavesämikielâlâš puhelin- já káiduspalvâlem lii ávus argâpeeivij tme 13–15 numerist 020 634 2894. Anarâš- já nuorttâlâškielân palvâlem finnee tuulhâ peht. Sämikielâliih äššigâsah pyehtih kyeđđiđ ohtâvuotâväldimtáttum šleđgâpoostân čujottâsân saame@kela.fi. Tun kaavnah lasetiäđu Kela sämikielâlijn palvâlusâin čujottâsâst www.kela.fi/saame.

Kela palvâlemsoojij ávusorroomääigih Laapist keessiv 2021

Palvâlemsaje

Ávusorroomääigih

Keessiv

Aanaar

ko tme 10–12 já 13–15

ij nubástus

Kiemâ

ko–vá tme 12–16

ij nubástus

Kiemâjävri

ma já tu tme 10–12 já 13–15

ij nubástus

Kittâl

ääigiväridem peht

ij nubástus

Muonio

ääigiväridem peht

ij nubástus

Ruávinjargâ

vu–tu tme 12–16

ij nubástus

Suáđigil

vu tme 10–12 já 13–15

ij nubástus

Tuárnus

vu–ko tme 9–12

ij nubástus

Kolari

steŋgejum

5.7.–31.7.2021

Puáššu

steŋgejum

28.6.–11.7.2021

Ranua

steŋgejum

26.7.–15.8.2021

Salla

steŋgejum

20.7.–6.8.2021

Pajetuárnus

steŋgejum

19.7.–13.8.2021

Pello

steŋgejum

14.6.–16.7.2021

Lasetiätu äššigâssáid