Kela buhtte mátkegoluid, mat bohtet koronaboahkuheami váldimis

Kela buhtte 27.3. rájes goluid, mat leat boahtán koronaboahkuheami váldimis. Mátkkit buhttejuvvojit seammá láhkai go dearvvasvuođafuolahusa bálvalusaide dahkkon eará mátkkit.

Kela buhtte 27.3. rájesdahkkon koronaboahkuhanmátkkiid goluid. Ovttaguvllot mátkki iežasvástu lea eanemustá 25 euro.

Mátkkit buhttejuvvojit dábálaččat hálbbimus mátkkoštanvuogi mielde. Juos áššehas ii sáhte dearvvasvuođadili dihtii geavahit almmolaš fievrruid dahje dat eai leat geavahusas, son sáhttá oažžut buhtadusa táksemátkkis.

Vuoi Kela sáhttá buhttet táksemátkki goluid, áššehas galgá diŋgot táksse guvllolaš diŋgonnummiris. Eará láhkai diŋgojuvvon táksemátkkis ii sáhte oažžut Kela buhtadusa. Spiehkastahkan lea Ålánda, gos tákse diŋgojuvvo táksevuoddjis.

Sámeguovllu (Eanodaga, Anára ja Ohcejoga gielddat ja Soađegili gieldda davveoasis Sámi bálgosa guovlu) sámegielat áššehasain lea vuoigatvuohta geavahit iežasgielat fástatákse sámi giellalága vuođul.

Mátkegoluid buhttema ulbmilin lea sihkkarastit áššehasaid beassama koronaboahkuheapmái.

Buhtadusa ohcan

Almmolaš fievrruin dahje iežas biillain dahkkon mátkkis ohccojuvvo buhtadus maŋálgihtii Kelas. Juos áššehas dárbbaša mátkái sáhtašeaddji, maiddái sáhtašeaddji mátkkis sáhttá ohcat buhtadusa. Njuovžilepmosit mátkegoluid ohcan doaibmá neahta bokte čujuhusas kela.fi/asiointi.

Juos áššehasas lea vuoigatvuohta táksse geavaheapmái, son oažžu buhtadusa táksemátkkis njuolggo- buhtadussan táksses. Buhtadusa oažžun eaktuda, ahte mátki lea diŋgojuvvon guvllolaš diŋgonnummiris.

Loga lasi