Kela juovlâi já uđđâive ávusorroomääigih

Juovlâi poosij ääigi já uđđâvuođpeeivi Kela palvâlemsajeh já puhelinpalvâlus láá steŋgejum. Juovlâi tiet pargottesvuođâääigi almottem- já máksupeeivih láá tolebáá. Áigápuátutoorjâ kiergân tilin ovdil juovlâi, jis ucâmuš já tárbuliih lahtoseh láá toimâttum majemustáá 10.12.

Ive vuossâmuuh ohoh láá Kelast távjá hoppuuh, te algâive Kela-aašijd kannat hoittáđ ääigild oornigân.

Kela puhelinpalvâlus lii ávus argâpeeivij tme 9–16. Uđđâvuođááptu puhelinpalvâlus lii ávus tme 9–13, mutâ áigápuátutorjuu palvâlemnumerân puáhtá hoppuus tiileest suáittiđ tme 16 räi.

Kela palvâlemsoojij ávusorroomaaigijn pyehtih leđe nubástusah juovlâi já uđđâive kooskâst já uđđâive maŋa. Uđđâvuođááptu iänááš palvâlemsoojijn steŋgee tme 13. Sajeh, moh koceh huápulii áigápuátutorjuu tiet, steŋgejeh uđđâvuođááptu tme 16. Ávusorroomaaigijd kannat tärhistiđ kela.fist (suomâkielân).

Kela puhelinpalvâlus já palvâlemsajeh láá steŋgejum

  • juovlâááptu 24.12.
  • juovlâpeeivi 25.12.
  • tiäppánpeeivi 26.12.
  • uđđâvuođpeeivi 1.1.

Almoot pargottesvuođâpeeivijd ääigild

Juovlâi tiet pargottesvuođâääigi almottem- já máksupeeivih láá tolebáá. Spiekâstâsâin muštâleh meid ášástâllâmpalvâlusâst já almottâsluámáttuvâin.

Ko pargottesvuođâääigi almottâs paje nohá 

  • 21.–22.12.2020, te almottâs puáhtá macâttiđ 21.12.2020. Ruuđah láá tilist tolemustáá 23.12.2020.
  • 23.12.2020, te almottâs puáhtá macâttiđ 22.12.2020. Ruuđah láá tilist tolemustáá 28.12.2020.
  • 24.12.2020, te almottâs puáhtá macâttiđ 23.12.2020. Ruuđah láá tilist tolemustáá 29.12.2020.

Almottâs kannat toimâttiđ ášástâllâmpalvâlusâst jo macâttempeeivi iđedist, vâi kiergânep kieđâvuššâđ tom nuuvt jotelávt ko máhđulâš.

Jis tun tarbâšah áigápuátutorjuu huápust

Juovlâmáánust áigápuátutorjuu majemuš máksupeivi ovdil juovlâi lii 23.12. Toorjâ kiergân talle tilin, jis ucâmuš já tárbuliih lahtoseh láá toimâttum Kelan majemustáá 10.12.

Jis äššigâs taarbâš áigápuátutorjuu huápust, te sun kalga väldiđ ohtâvuođâ Kela palvâlemnumerân 020 692 207 tâi palvâlemsajan. Huápulâš tile puáhtá leđe ovdâmerkkân kivkked šoddâm tárbu máksučonnâsmân talkkâsij tâi purrâmuškáálvui várás.

Jis äššigâs taarbâš áigápuátutorjuu huápust Kela ávusorroomaaigij ulguubeln, te kieldâ puáhtá kuorâttâllâm vuáđuld mieđettiđ estee áigápuátutorjuu. Kivkked tábáhtum kriisâtiileest juovlâi poosij ääigi äššigâs puáhtá leđe ohtâvuođâst suu aassâmkieldâ sosiaalkocemân.

Uđđâvuođááptu áigápuátutorjuu palvâlemnummeer iššeed hoppuus tiileest tme 16 räi, veikâ eres palvâlemnumereh iä västid tme 13 maŋa. Huápulii áigápuátutorjuu tiet koccee palvâlemsoojijd puáhtá tärhistiđ kela.fist (suomâkielân).

Mij tuáivuttep mii äššigâssáid rávhálijd juovlâid já luholii uđđâ ive 2021!

Luuvâ lase