Kela sajanmáksá koronapuákuttâs väldimist šaddee mätkikoloid

Kela sajanmáksá 27.3. rääjist mätkikoloid, moh láá šoddâm koronapuákuttâs väldimist. Määđhih sajanmáksojeh siämmáá náál ko eres tiervâsvuođâhuolâttâs palvâlussáid tohhum määđhih.

Kela sajanmáksá 27.3. rääjisttohhum koronapuákuttâsmaađhij koloid. Oovtâ suundán jiešvástádâs lii enâmustáá 25 eurod.

Määđhih sajanmáksojeh táválávt hälbimus mađhâšemtäävi mield. Jis äššigâs ij pyevti suu tiervâsvuođâtile tiet kevttiđ almolijd fiävruid tâi toh iä lah kevttimnáál, te sun puáhtá finniđ sajanmáávsu taksimääđhist.

Vâi Kela puáhtá sajanmäksiđ taksimääđhi koloid, te äššigâs kalga tiiláđ taaksi kuávlulii tiilámnumerist. Eresnáál tiilájum taksimääđhist ij pyevti finniđ Kela-sajanmáávsu. Spiekâstâhhân lii Åland, kost äššigâs puáhtá tiiláđ taaksi njuolgist vyeijest.

Sämikuávlu (Iänuduv, Aanaar já Ucjuuvâ kieldah já Suáđigil kieldâ taveuási Laapi palgâs kuávlu) sämikielâlijn äššigâsâin lii vuoigâdvuotâ kevttiđ jieijâskielâlii fastâtaaksi säämi kielâlaavâ vuáđuld.

Mätkikoloi sajanmáávsu ulmen lii turviđ äššigâsâi peessâm koronapuákuttâsân.

Sajanmáávsu uuccâm

Almolij fiävruiguin tâi jieijâs autoin tohhum määđhist occoo sajanmáksu maajeeldkietân Kelast. Jis äššigâs taarbâš suu määđhi várás läiđejeijee, te meid läiđejeijee määđhist puáhtá uuccâđ sajanmáávsu. Puoh älkkeemus lii uuccâđ mätkisajanmáávsu viermist čujottâsâst kela.fi/asiointi. Jis äššigâsâst lii vuoigâdvuotâ taaksi kiävtun, te sun finnee sajanmáávsu taksimääđhist njuolgâ sajanmáksun taaksist. Sajanmáávsu finnim váátá, ete mätki lii tiilájum kuávlulii tiilámnumerist.

Luuvâ lase