Oahppogeatnegasvuođa viidáneapmi váikkuha oahppodoarjagii ja skuvlamátkedoarjagii

Oahppogeatnegasvuođaahki badjána 18 jahkái borgemánus 2021, ja seammá háve nuppi dási oahput rivdet mávssuheapmin. Láhkanuppástus buktá mielddis nuppástusaid maiddái Kela ovdduide, mat dárkkuhuvvon stuđeanttaide.

Oahppogeatnegasvuohta viidu 1.8.2021. Nuppi dási oahput bohtet mávssuheapmin nuoraide, geat gullet viiddiduvvon oahppogeatnegasvuođa ollái. Oahppogeatnegasvuođa viidáneapmi dárkkuha dan, ahte nuorra galgá vuođđoskuvlla maŋŋá sirdásit čađahit nuppi dási dutkosa logahahkii dahje ámmátlaš oahppolágádussii dahje ohcalit sirdásanmuttu skuvlejupmái.

Viiddiduvvon oahppogeatnegasvuohta ja mávssuhis nuppi dássi váldojuvvojit atnui ahkeluohkká hávil.

Nuoras lea vuoigatvuohta mávssuhis skuvlejupmái, juos son deavdá guktuid čuovvovaš eavttuid:

  • Son loahpaha vuođđoskuvlla jagi 2021 dahje das maŋŋá.
  • Son lea riegádan jagi 2004 dahje das maŋŋá.

Buot skuvlejumit eai leat mávssuheamet, vaikke eavttut ollašuvašedje. Skuvlejumi mávssuhisvuođa sáhttá dárkkistit oahppolágádusas. 

Oahppodoarjagii smávva nuppástusat

Mávssuhis skuvlejupmái vuoigadahtton stuđeanta ii sáhte oažžut oahpporuđa oahppamateriálalasi (suomagillii). Eará oahppodoarjaga son sáhttá oažžut nugo eará stuđeanttat.

Mávssuhis skuvlejupmái vuoigadahtton stuđeanta sáhttá oažžut oahppodoarjaga maiddái rávesolbmuid logahatoahpuide.

Skuvlamátkedoarjja rievdá buot stuđeanttain 1.8.2021 rájes

Stuđeanta sáhttá 1.8.2021 rájes oažžut skuvlamátkedoarjaga, juos son johtá skuvlamátkki, mii vuoigadahttá doarjagii, uhcimustá 10 beaivve kaleandarmánotbajis. Doarjja lea dievasmearálaš, juos mátkebeaivvit leat kaleandarmánotbaji áigge 15 dahje eanet. Juos mátkebeaivvit leat 10-14, skuvlamátkedoarjaga mearri lea bealli dievasmearálaš doarjagis.

Skuvlamátkedoarjaga sáhttá nappo borgemánu rájes oažžut, vaikke stuđeanttas ii livčče beaivválaš skuvlamátki. Ovdamearkan vuorrovahkuid mielde vánhemiid luhtte ássi sáhttá oažžut skuvlamátkedoarjaga, vaikke eavttut ollašuvašedje dušše dalle, go son johtá skuvlamátkkiid nuppi vánhema luhtte.

Mávssuhis skuvlejupmái vuoigadahtton stuđeanttaide skuvlamátkedoarjja ođđa eavttuiguin

Mávssuhis skuvlejupmái vuoigadahtton sáhttá oažžut skuvlamátkedoarjaga, juos skuvlamátki lea uhcimustá 7 kilomehtera ovtta guvlui. Earáin go mávssuhis skuvlejupmái vuoigadahtton stuđeanttain mátki galgá leat uhcimustá 10 kilomehtera, vuoi sáhttá oažžut skuvlamátkedoarjaga.

Juos mávssuhis skuvlejupmái vuoigadahtton stuđeanta johtá oahppolágádussii almmolaš fievrruin dahje skuvlasáhtuin, son ii dábálaččat mávsse mátkebileahtas ieš maidige. Kela máksá skuvlamátkedoarjaga bileahta vuovdái, skuvlasáhtu lágideaddjái dahje stuđentii alcces. Ovdamearkan oaivegávpotguovllu HSL-viidodagas stuđeanta oastá mátkebileahta ieš ja Kela máksá skuvlamátkedoarjaga stuđentii. Earáin go mávssuhis skuvlejupmái vuoigadahtton stuđeanttas skuvlamátkedoarjagis lea iežasvástooassi, mii lea gitta mátkebeivviid mearis.

Skuvlamátkedoarjagii vuoigadahtti oahput leat logahatoahput, oahput ámmátlaš vuođđodutkosa dahje dutkosa oasi čađaheami várás, nuppi dási válbmejeaddji skuvlejumit ja rávesolbmuid vuođđooahpahus.

Mávssuhis skuvlejupmái vuoigadahtton stuđeanta sáhttá oažžut skuvlamátkedoarjaga maiddái dalle, go son čađaha

  • rávesolbmuid logahatoahpuid
  • ámmátdutkosa
  • oahppogeatnegasaide dárkkuhuvvon friija čuvgehusbarggu skuvlejumi.

Juos stuđeanta ii leat vuoigadahtton mávssuhis skuvlejupmái, son ii sáhte oažžut skuvlamátkedoarjaga dáid oahpuide.

Skuvlamátkedoarjja ohccojuvvo skoviin KM 1sme (pdf), mii guđđojuvvo iežas oahppolágádussii. Skuvlamátkedoarjaga ii sáhte ohcat IežasKelas.

Lassedieđut áššehasaide