Kela palvâlusah šleđgâpoođhâ ääigi | Anarâškielâ | KelaMoonâ siskáldâsân

Kela palvâlusah šleđgâpoođhâ ääigi

Virgeomâhááh láá váruttâm, ete kuávluliih šleđgâpoođhah láá máhđuliih puáttee täälvi uhken orroo šleđgâvänivuođâ tiet. Kela tooimâi šleđgâfinnim ij lah torvejum potkâtiileest.

Šleđgâpoođhâ ääigi mij ep paste palvâliđ äššigâsâid Kela palvâlemsaajeest. Palvâlemsaje piäijoo kiddâ já pargoviehâ stivree äššigâsâid torvolávt olgos. Šleđgâpoođhâi tiet mij raijip meid äigiväridemaaigij faallâm.

Jis mij tiettip šleđgâpoođhâst jo muuneeld, te mij muštâlep tast palvâlemsaje ávusorroomäigitiäđuin Suomi.fi-palvâlusâst. Ain taat ij lah máhđulâš, ko šleđgâpoođhah sättih puáttiđ jotelávt-uv.

Šleđgâpoođhah sättih meid maŋediđ ucâmušâi kieđâvuššâm tâi kieđâvuššâm sáttá pokkâšuđ. Tun puávtáh jieš vaiguttiđ jieijâs ucâmuš kieđâvušmân tooimâtmáin jieijâd ucâmuš já tárbulijd lahtosijd ääigild.

Tooimâ návt, jis palvâlemsaje lii kiddâ šleđgâpoođhâ tiet

  1. Ášástâl viermist.

    Iänááš Kela-aašijd tun puávtáh hoittáđ OmaKelast. OmaKela já Kela eres viermipalvâlusâi toimâ lii torvejum meid šleđgâpoođhâi väärrin.
     
  2. ​​​​Suáiti puhelinpalvâlusân.

    Jis tun tarbâšah persovnlii ravvim, te suáiti Kela puhelinpalvâlusân. Mii puhelinpalvâlus tuáimá meid šleđgâpoođhâi ääigi. Vääldi huámmášumán, ete šleđgâpoođhah sättih tovâttiđ pokkâšum palvâlusân.

Luuvâ lase

Sijđo lii peividum 30.11.2022

Mon mielâst tun lah sijđoost?