Toorjâ škovlâmaađhijd já purrâmuššáid | Anarâškielâ | KelaMoonâ siskáldâsân

Toorjâ škovlâmaađhijd já purrâmuššáid

Škovlâmätkitoorjâ

Škovlâmätkitorjust láá sierâ iävtuh uáppeid, kiäin lii vuoigâdvuotâ mávsuttes škovliimân, já eres uáppeid.

Škovlâmätkitoorjâ uáppei, kiäst lii vuoigâdvuotâ mávsuttes škovliimân

Tun puávtáh uážžuđ torjuu jieijâd škovlâmaađhij várás, jis tun čođâlditáh ovdâmerkkân

  • luvâttâhuápuid tâi rävisulmui luvâttâhuápuid
  • áámmátlii vuáđutotkos
  • áámmáttotkos
  • välmejeijee škovlim, ovdâmerkkân TUVA-škovlim
  • uáppukenigâssáid čujottum rijjâ čuovviittâspargo škovlim.

Kiäst lii vuoigâdvuotâ mávsuttes škovliimân?

Tust lii vuoigâdvuotâ mávsuttes škovliimân, jis tun tiävdáh kuohtuid čuávuváid iävtuid:

  • Tun lah lopâttâm vuáđuškoovlâ ive 2021 vuáđuškoovlâ ive 2021 tâi ton maŋa.
  • Tun lah šoddâm ive 2004 tâi ton maŋa.

Tun puávtáh finniđ torjuu, jis tuu škovlâmätki oovtâ kuávlun lii ucemustáá 7 kilomeetterid.

Jis tust láá ucemustáá 15 mätkipeivid kalendermánuppaajeest, te tun puávtáh finniđ olesmiärálii škovlâmätkitorjuu. Jis tust láá 10–14 mätkipeivid kalendermánuppaajeest, te tun puávtáh finniđ škovlâmätkitorjuu, mutâ torjuu meeri lii peeli olesmiärálii torjust.

Jis tun kiävtáh škovlâmääđhist almolii jotoluv tâi škovlâsáátu, tun jieh táválávt määvsi mađhijnâd maiden.

Škovlâmätkitoorjâ uáppei, kiäst ij lah vuoigâdvuotâ mávsuttes škovliimân

Tun puávtáh finniđ torjuu tuu škovlâmaađhij várás, jis tun čođâlditáh ovdâmerkkân

  • luvâttâhuápuid
  • áámmátlii vuáđutotkos
  • välmejeijee škovlim, ovdâmerkkân TUVA-škovlim.

Tun puávtáh finniđ torjuu, jis tuu škovlâmätki oovtâ kuávlun lii ucemustáá 10 kilomeetterid.

Jis tust láá ucemustáá 15 mätkipeivid kalendermánuppaajeest, te tun puávtáh finniđ olesmiärálii škovlâmätkitorjuu. Jis tust láá 10–14 mätkipeivid kalendermánuppaajeest,  te tun puávtáh finniđ škovlâmätkitorjuu, mutâ torjuu meeri lii peeli olesmiärálii torjust.

Vâi tun puávtáh finniđ olesmiärálii torjuu, iähtun lii mätkipeeivij mere lasseen tot, ete tuu määđhih mäksih paijeel 54 eurod mánuppaajeest. Talle tun máávsáh táválávt maađhijn jieš 43 eurod mánuppaajeest.

Vâi tun puávtáh finniđ pele olesmiärálii torjust, iähtun lii mätkipeeivij mere lasseen tot, ete tuu määđhih mäksih paijeel 27 eurod mánuppaajeest. Talle tun máávsáh táválávt maađhijn jieš 21,50 eurod mánuppaajeest.

Tun puávtáh finniđ škovlâmätkitorjuu, veikâ tuu määđhih mäksih ucceeb, jis tun kiävtáh maidnii čuávuváin:

  • Waltti-jotolâh, mii tuáimá maaŋgâ kaavpugist
  • Helsig kuávlu jotolâh HSL
  • Tampere kuávlu jotolâh Nysse
  • Turku kuávlu jotolâh Föli
  • škovlâjođettem
  • jieš uárnejum jotteemvyehi.

Tun finniih lasetiäđuid Waltti-jotoluvâst čujottâsâst waltti.fi (suomâkielân).

Škovlâjođettem uáivild tom, ete oppâlájádâs tâi kieldâ uárnee tunjin škovlâsáátu tâi uástá tunjin mätkiliipuid škovlâmääđhi várás. Tun finniih lasetiäđuid škovlâjoođeetmist oppâlájádâsâstâd.

Jis tust ij lah almolâš jotolâh tâi škovlâjođettem kevttimnáál, puávtáh jotteeđ škoovlân jieijâd valjim vuovvijn, ovdâmerkkân jieijâd autoin tâi vaanhim sáttoin.

Rekinist rekinistempalvâlusâst, ete mon ennuv tun puávtáh finniđ torjuu (suomâkielân).

Škovlâmätkitorjuu uuccâm

Uusâ škovlâmätkitorjuu neetist OmaKelast.

Meid tuu huolâtteijee puáhtá uuccâđ torjuu OmaKelast tuu peeleest.

Kela máksá torjuu tuu jotteemvyevi mield njuolgist liipu vyebdei, oppâlájádâsân tâi tunjin.

Tun koolgah uuccâđ škovlâmätkitorjuu jyehi luuhâmive sierâ.

Luuvâ lase škovlâmätkitorjuu ucâmis (suomâkielân).

Purrâmuštoorjâ

Ollâškovlâuáppee puáhtá finniđ vuáládâs purrâmušâin raavâdviäsuin, moh láá mieldi purrâmuštorjust.

Tun máávsáh purrâmušâst ucceeb, ko čááitáh uáppeekoortâ tâi Kela purrâmuštoorjâkoortâ.

Raavâdviäsuh, moh láá mieldi purrâmuštorjust (suomâkielân).

Sijđo lii peividum 20.2.2024