Juos fárret Suomas olgoriikii | Davvisámegiella | KelaMana sisdollui

Jos fárret Suomas olgoriikkaide

Jos oaččut man nu Kela doarjaga ja fárret olgoriikkaide, almmut fárremis Kelai.

Almmut Kelai maiddái, jos du eallindilli nuppástuvvá dan bottas go leat olgoriikkain.

Nuppástus sáhttá leat ovdamearkan

  • oahpuid álggaheapmi dahje heaittiheapmi
  • barggu álggaheapmi dahje heaittiheapmi
  • nuppástus bearašgaskavuođain, dego earráneapmi dahje oktiifárren beallelaččain.

Gaskaboddasaš dahje fásta fárren?

Vuoigatvuođat Kela doarjagiidda čovdojuvvo dábálaččat dan vuođul, man guhká don áiggot leat olgoriikkain. Jos áiggot leat olgoriikkain vuollel 6 mánotbaji, dus lea dan áigodagas dábálaččat vuoigatvuohta Kela ealáhagaide, mánáidruhtii, etniiddoarjagii ja eará mánnábearrašiid doarjagiidda.

Jos fárret olgoriikii bissovaččat, it dábálaččat sáhte šat oažžut Kela doarjagiid. Fárren gehččojuvvo bissovažžan, jos du ulbmilin lea ássat olgoriikkain badjel 6 mánotbaji. Dalle vuoigatvuohta Kela doarjagiidda nohká dábálaččat dalán, go fárret eret Suomas. 6 mánotbaji áigerájis sáhttá ložžet, jos fárret gaskaboddasaččat Suomas EU-riikii, Edg-riikii, Sveicii dahje Stuorra-Británniai.

Maiddái ovdamearkan studeanttain ja sáddejuvvon bargiin sáhttá leat vuoigatvuohta Kela doarjagiidda, vaikke sii orošedje olgoriikkain badjel 6 mánotbaji.

Go fárret nuppi riikii, váldde čielgasa, sáhtátgo oažžut doarjagiid ođđa ássanriikkas.

Oassi jagis olgoriikkain

Jos lávet orrut olgoriikkain badjel jahkebeali jahkásaččat, dus ii dábálaččat leat vuoigatvuohta Kela doarjagiidda. Áigerájis sáhttá ložžet, jos ásat oassi jagis muhtun EU-riikkas, Edg-riikkas, Sveiccas dahje Stuorra-Británnias.

Loga lasi

Siidu beaiváduvvon 16.2.2024

Maid jurddašat siiddu birra?